Mınıstrdiń aıtýynsha, tórt jyl ishinde jalpy sala boıynsha qarjylandyrýdy ulǵaıtý josparda bar. Qarajat arnaıy tehnıkany jańartýǵa jáne órtti erte anyqtaý júıesin ornatýǵa baǵyttalady. 2027 jylǵa qaraı materıaldyq-tehnıkalyq baza 100 paıyz jańartylady.
«Elimizde orman sharýashylyǵyna 8,1 mıllıard teńge bólindi. О́rtti aldyn ala anyqtaý júıesine 4,1 mıllıard teńge qarastyryldy. Biz ormanshylardyń barlyq qajettilikteri boıynsha jaǵdaıdy taldap, qosymsha qarjy suraımyz», dedi Zúlfııa Súleımenova.
Keltirilgen shyǵynnyń naqty kólemin arnaıy komıssııa anyqtaıdy.
Premer-mınıstr Álıhan Smaıylov 10 kún ishinde Abaı oblysyndaǵy oqıǵanyń barlyq mán-jaıyn anyqtap, tıisti qorytyndy jasaýdy tapsyrdy.
