Medısınalyq tehnologııanyń ıgiligi

Baspasóz týrynda aldymen Ult­tyq neırohırýrgııa ortalyǵynyń medı­sınalyq dırektory Asylbek Qalıev ortalyqtaǵy medısınalyq qyzmet­ter týraly, pasıentterdi qabyldaý algorıtmi men ozyq tehnologııalardyń kómegimen jasalatyn operasııalar jaıynda tarqatyp aıtyp berdi.

– Byltyrdyń ózinde bizdiń orta­lyqta MÁMS boıynsha 4 myńnan astam pasıent emdeldi. Onyń ishinde joǵary tehnologııalyq medısınalyq qyzmetterdi qoldana otyryp jasalǵan operasııalar bar. Sondaı-aq Gamma-pyshaq tehnologııasy boıynsha operasııa júrgizýdiń tıimdiligin atap ót­kim keledi. Osy qurylǵy isikterdi, tamyrly jáne fýnksıonaldy mı aýrýlaryn trepanasııasyz jáne narkozsyz emdeýge múmkindik beredi. Me­dısınalyq kómektiń bul túri 2021 jyly MÁMS boıynsha kórsetiletin qyzmetterdiń tizimine engen. Byltyr biz osyndaı 460 operasııa jasadyq, deıdi A. Qalıev.

Orta­lyq­tyń taǵy bir úlken baǵyty – omyrtqa men julyn aýrýlaryn hı­rýr­gııalyq emdeýge qatysty. Tipti, ma­man­dandyrylǵan bólimsheniń dári­gerleri ózdiginen júrip-tura al­maı, jigeri qum bolyp, úmitin úzgen naýqastardyń aıaqqa turýyna múmkindik beretin omyrtqaǵa jasalatyn rekonstrýktıvti operasııalardy da ıgergen. Osy jańashyldyqtar­dyń arqasynda 12 000 naýqasqa ope­rasııa jasalǵan. Dárigerler epılep­sııa­ny hırýrgııalyq emdeýdiń jańa­shyl ádisterin meńgergen. Sol sekildi ba­la­lar neırohırýrgııasy bólim­she­sinde jańa týǵan nárestelerge mı po­­to­­logııasyn hırýrgııalyq emdeý ádis-tásilderi qoldanylady. Osy bó­lim­shede kóbine-kóp endoskopııalyq operasııalarǵa basymdyq beriledi eken. Osy kúni Áleýmettik medısınalyq saqtandyrý qorynyń Zańdy jáne jeke tulǵalarmen jumys departamenti­niń dırektory Zabıra Orazalıeva orta­lyqta MÁMS sheńberinde iske asqan jumystarǵa toqtaldy.

– Qazir bizde MÁMS-tiń tarıfin kó­­terý máselesi týyndap otyrǵan joq. Al neırohırýrgııa ortalyǵy ja­ıyn­­­da aıtar bolsaq, munda medısı­na­­lyq saqtandyrý jarnalaryn ýaq­ty­­ly tólep, saqtandyrylǵan aza­mat­­tar josparly túrde óziniń tir­kel­gen emhanasynan joldama alyp, portalǵa kezekke turyp, ózi­ne qa­jetti medısınalyq kómekti alý­ǵa múm­kin­digi bar. Byltyrǵy statıstıkaǵa zer salsaq, 2000-ǵa jýyq joǵary tehnologııalyq medısınalyq qyzmet kórsetilgen, onyń 1,5 myńy MÁMS júıesinde jasalyp otyr. Bıyl da osy baǵyttaǵy jumystar úzilmeı, úılesimdi jalǵasyp keledi. Bıyl resmı tirkelgen jumysy joq azamat­tar saqtandyrýǵa aı saıyn 3 500 teń­ge tólese, al jumys berýshiler ár ju­mysshy tabysynyń 2% tólep otyrady. Munda jumysshylarǵa asa salmaq túspeıdi. О́zine-ózi tóleıtinderdiń sommasy eń tómengi mólsherde bel­gilen­gen. Olardyń 12 aıdyń tólemin bir­den jasaýǵa da múmkindigi bar. Bul de­genińiz saqtandyrý qoryna 2,3 jyl tóle­megen azamattar aldyn ala 12 aıǵa tólem jasap, sol aralyqta saq­tan­dyrý mártebesine ıe bolady. Soǵan saı jyl boıy ózine tıesili medı­sı­na­lyq kómekti alyp otyrady. Búgin­de elde 3,5 mln-ǵa jýyq azamat saq­tan­dyrylmaǵan. Bul statıstıka kún­delikti jańaryp turady, – deıdi ol.

Budan ári ortalyqtyń radıologııa jáne radıohırýrgııa bólimshesine baryp, jumys barysyn baqyladyq. Sonyń ishinde Gamma-pyshaq appa­ra­tynyń jumys isteý úderisimen ta­nys­tyq. Radıohırýrgııalyq qon­dyr­ǵyda radıoaktıvti sáýleler isik­tiń aımaǵynda túıisedi. Sóıtip, isik jasýshalarynyń DNQ-syn buzady. Mundaı operasııada mıdyń saý tinderi jáne naýqastyń denesi tutas sáýlelenbeıdi. Ári naýqasqa aýyr­lyq salmaıdy. Sol úshin de Gamma-py­shaq radıohırýrgııalyq emdeýdiń «altyn standarty» sanalady. Biz Gamma-pyshaq qurylǵysy ornalasqan kabınetke ótkende sáýlelik operasııadan jańa shyqqan pasıentpen pikirlesý­diń sáti túsken edi. MÁMS júıesinde saqtandyrylǵan О́skemen qalasynyń turǵyny ortalyqqa sanaýly kúnde-aq kelgenin aıtty.

– О́skemennen keldim. Eki jyl­dan beri osy aýrýmen alysyp júr­min. О́skemendegi aýrýhanada dárigerden keńes alǵannan keıin nebary 5 kún­niń ishinde medısınalyq saraptamalar­dy túgendep Astanadaǵy osy ortalyq­qa kvota arqyly birden keldim. Dıag­nozymdy aıtar bolsam, mıdaǵy isik metastaz beripti. Osydan keıin den­saýlyǵymyz jaqsaryp, bári jaqsy bolatynyna ishteı senemiz. О́zimdi jaı­ly sezinip turmyn. Medısınalyq saq­tandyrý júıesiniń arqasynda tegin em aldym. Endi búgin О́skemenge qaıtamyz, – dep saýyǵyp keterine senetinin aıtty ol. Biz de alystan arqalanyp kelgen anaǵa em shıpaly bolsyn destik.