Sábıge – oıynshyq, turǵynǵa – páter

Kópten beri páterin kútip júrgen jandardyń júzindegi qýanysh kóńil terbeıdi. Sebebi turǵyn úıge ıe bolǵandardyń basym bóligi jetim jáne ata-ana­synyń qamqorlyǵynsyz qalǵan balalar, I-II top mú­ge­dekteri, tolyq emes jáne kópba­laly otbasylar, basqa da áleý­­mettik áljýaz toptyń ókil­deri. Osy rette óńir basshysy Beı­bit Isabaev jınalǵan qaýym­ǵa tilegin arnap, jańa úıdiń kiltin tabys etti.

«Búgin eki birdeı qýanysh qatar kelip otyr. Jetisý oblysynyń qurylǵanyna bir jyl toldy jáne 8-shaǵyn aýdanda jańa úıdi paıdalanýǵa berip otyrmyz. Taldyqorǵanda qazir 15 myńdaı adam kezekte tur. Azamattardyń 15-20 jyldap kezekte turýy – ádiletsizdik. Mundaı jaǵdaıdyń qalyptasýyna jergilikti atqa­rýshy organdardyń da kinási bar. Sondyqtan ádildikpen, kezek­tiń retin ashyq saqtaı otyryp, aldaǵy 3-4 jylda kezektiń sanyn eki ese qysqartý úshin qurylys qarqynyn jyldamdatyp, turǵyn úı salý kólemin arttyrýdy qolǵa aldyq. Bul rette kezekte turǵan halyqtyń áleýmettik ál­jýaz toptaryna basa kóńil bó­linetin bolady. Kelesi aptada taǵy bir úı beriledi. Shildede 3 kóppáterli úı, tamyzda 4 úı paı­dalanýǵa beriledi. Jyl sońyna deıin jalpy qalamyzda 51 kóp­páterli turǵyn úı tapsyrylady. Osylaısha, eki myńǵa jýyq turǵyn baspanamen qamtamasyz etiledi. Bul – rekordtyq kólem dep aıtýǵa bolady. Osy úı­diń qu­rylysyn júrgizgen jer­gilikti kompanııa «Shymyr» serik­tes­tigine alǵys aıtamyn. Jańa úılerińizde shattyq pen qýanysh mol bolsyn!», dedi B.Isabaev.

Búgin jańa páterge ıe bol­ǵandar qatarynda «Aına­laıyn» balalar úıiniń 12 tárbıe­lenýshisi de bar. «Qyryq jyldan beri tárbıeshi bolyp eńbek etip ke­lemin. Búgin ózim bastaýysh sy­nyptan bastap tárbıelegen balalarym úıli bolyp jatyr. Olardyń ishinde otbasyn quryp úlgergenderi de bar. Ana retinde, ustaz retinde qýanyshym sheksiz. Endi balalarymyz úshin alańdamaıtyn boldyq, sebebi olardyń óz baspanalary bar», dedi M.Beıisbekova.

Oblys ákiminiń baspasóz qyzmetiniń málimetinshe, bul 72 páterli 9 qabatty turǵyn úıdi «Shymyr» JShS saldy. Búgin sonyń 36 páterlik 1-blogy paı­da­lanýǵa berildi. 2-blogy kelesi aptada iske qosylady. Bul úıdiń qurylysy 2020 jyly bastalǵan bolatyn. Úıdiń jalpy alańy – 4731,38 m². Qurylystyń quny – 769,6 mln teńge.

Jalpy, oblystyń quryl­ǵanyna 1 jyl tolýyna oraı aý­dan-qa­lalardyń bárinde túrli is-shara uıymdastyryldy. Máse­len, Tekeli qalasynda 40 otbasy qonystoıyn toılady. Kóp­páterli bul úıge bıýdjet qara­jatynan 546 mln teńge jum­sal­dy. Sol sııaqty ótken jyly oblys qurylǵan 8 maýsymda ómirge kelgen búgingi 1 jasar 42 sábıge oblys ákiminiń quttyqtaý haty men velosıped-kolıaska syı­ǵa tartyldy.

I.Jansúgirov atyndaǵy Je­tisý ýnıversıtetiniń stadıon­ynda fýtboldan joldastyq kezdesýler ótkizildi. Al keshkilik «Jastar» saıabaǵynda oblys kú­­nine arnalǵan merekelik is-sharalar, konserttik baǵdar­lamalar jalǵasyp, onda birqatar jeti­sýlyq azamatqa óńirdiń damýyna qosqan eleýli úlesi úshin birneshe nomınasııa boıynsha arnaıy syılyq tapsyryldy.

Jetisý oblysy