О́ńirde bıyl jalpy uzyndyǵy 313 shaqyrym jol retke keltirilse, jaqsy jáne ortasha jaǵdaıdaǵy joldardyń úlesi 94 paıyzǵa jetedi dep boljanyp otyr. Joǵarydaǵy mejeniń 200 shaqyrymy aýyldarǵa aparatyn qıyrshyq tasty joldardy asfalt-betondy jabynǵa aınaldyrýdy kózdeıdi. О́ńirlik Jolaýshylar kóligi jáne avtokólik joldary basqarmasynyń málimetinshe, oblystyq jáne aýdandyq mańyzǵa ıe avtojoldardy jóndeýge 40 joba qabyldanyp, 2,3 mlrd teńge qarajat qarastyrylǵan. Qazir 40 ýchaskeniń jeteýinde jumys aıaqtalyp ta úlgeripti. Al Fedorovka aýylyna kireberis jolǵa konkýrs júrip jatyr.
– Kóp jyldan beri Baıanaýyl men Maı aýdandarynyń halqy bir-birine qatynaǵanda Aqsý qalasy arqyly aınalyp, uzaq jol júrip baratyn. Ári bul ólkelerde ekologııalyq týrızm damyǵandyqtan týrısterdiń júrip-turýyna baılanysty belgili qıyndyqtar jıi týyndaıdy. Eki aýdan arasyndaǵy tóte joldardyń keıbir bólikterinde asfalt túgili, qıyrshyq tasty jol joq. Osyny eskere kele keıingi úsh jylda Qyzyl Oktıabr – Jańa Aqshıman avtojolyn qamtamasyz etý oıǵa alynǵany málim. Bul eki aradaǵy qashyqtyq 90 shaqyrymdy quraıdy. Bıyl Aqshıman – Leker jáne Baıanaýyl – Ýgolnoe ýchaskeleri jóndeledi. Nátıjesinde, eki óńirdiń arasyndaǵy jol júrý 100 shaqyrymǵa qysqarady. Buǵan qosa oblysta 23 aýyldyń kireberis joldary asfalttalady. Bir ǵana Baıanaýyl aýdanynda 64 shaqyrym jolǵa jańadan asfalt tóseledi. Mysaly, Ekibastuzdyń Aqkól, Baıanaýyldyń Uzynbulaq, Aımaýytov eldi mekenderine deıin buryn asfaltty jabyn bolmaǵan, – deıdi óńirlik jolaýshylar kóligi jáne avtokólik joldary basqarmasynyń basshysy Qanat Qashkırov.
Deı turǵanmen, óńirdegi eldi mekender arasynda problemaly ýchaskeler áli de barshylyq. Máselen, Qalqaman men Baıanaýyl arasyndaǵy jolda birneshe jyldan beri salynyp jatqan kópirdiń qurylysy áli aıaqtalmaǵan. Ol respýblıkalyq jol sanalady. Al Ekibastuz ben Maıqaıyń arasyndaǵy 29 shaqyrym jol jyl saıyn shuryq-tesik bolyp, kólikterdiń júrýine qıyndyq týdyrady. Jergilikti halyq bul aralyqty «qazynadan qarjy sýyrýdyń amalyna aınalǵan jol» dep ataıdy. Sebebi, joldyń bul bóligin jyl saıyn jóndeýge qyrýar qarajat bólinip jatqanymen, nátıjesi baıqalar emes. Jańadan salyp ketken asfaltty jabyny jyl ótpeı buzylyp qalatyny bar. Al Qanat Qashkırov jurttyń bul pikirimen kelispeıtinin jetkizdi. Onyń aıtýynsha, bul eki aralyqta úlken júk kólikteri jıi júretindikten jolǵa úlken salmaq túsedi. Aımaqtaǵy avtojoldarda júretin úlken júk kólikteriniń barlyǵyn baqylaý múmkin emes. Sebebi jergilikti kólik baqylaý ınspeksııasynyń quzyrynda nebári 2 arnaıy kólik qana bar kórinedi. Onyń ózi respýblıkalyq joldardan artylmaıdy. Buǵan deıin atalǵan ýchaskeniń birqatar bóligine kúrdeli jóndeý júrgizilgen, qalǵan 6 shaqyrymy bıyl jańarady dep kútilýde.
Ertis aýdanyndaǵy Amankeldi aýylynda da jol máselesi óte ózekti. Byltyr tamyz aıynda aýyl adamdary oıda-joqta syrtqy álemmen baılanyssyz qalǵanyn, tolassyz jaýǵan nóser jańbyr aýyldy aýdan ortalyǵymen baılanystyratyn aınalma jolǵa nuqsan keltirgeni týraly gazette jazǵanbyz. Jańbyr jaýǵan ýaqytta aınalma jolǵa sý tolyp, halyq eldi mekennen shyǵa almaı qınalady. Eldi meken Qazaqstan men Reseıdiń dál shekara túbinde ornalasqan. Aýyldan úlken jolǵa shyǵatyn jol bireý ǵana. Ol «Lenın – Ertis – Rýsskaıa polıana» respýblıkalyq jolyna baryp túıisedi. Al magıstraldyń 4 shaqyrymǵa jýyq bóligi Reseıdiń Omby oblysyna kirip tur. О́tken jyly Reseı jaǵy joldyń atalǵan ýchaskesin jaýyp, avtokólikterdiń kez kelgen túrine júrýge tyıym saldy. Amaly qalmaǵan jergilikti bılik ókilderi Lenın aýyly arqyly Reseıge deıin ótetin uzyndyǵy 17 shaqyrym joldyń Amankeldi aýylyna kireberisin rekonstrýksııalaý, ári topyraq jamylǵysyn asfalt-betonǵa aýystyrý jobasyn ázirlegen eken. Quny 4,2 mlrd teńgege baǵalanǵan bul joba, ókinishke qaraı, Qarjy mınıstrligi tarapynan qoldaý tappaı otyr.
Pavlodar oblysy
