О́NDIRISTI О́ŃIR TÚRIK KÁSIPKERLERIN KÚTEDI

Mamyr aıynda oblys ákimi Baqytjan Saǵyntaevtyń basshylyǵymen oblys kásipkerleri men iri kásiporyndar basshylary Túrkııa eline baryp qaıtty. Bul sapardyń maqsaty eki el arasyndaǵy saıası, saýda-ekonomıkalyq jáne mádenı salalardaǵy yntymaqtastyqtardy nyǵaıtý boldy. Osy sapar barysynda Pavlodar qalasy ákimdigi men Kaıserı qalasynyń ákimshiligi arasynda dostyq baılanys ornatý jónindegi kelisimge qol qoıyldy. Kezdesýler adal dostyq pen tarıhı túp-tamyry bir halyqtardyń arasyndaǵy ózara syılastyqtyń  senimdi jalǵasy ekenin taǵy da bir kórsetti. Bizdiń mem­leketterdiń basshylary óńir jáne qalaaralyq yntymaqtastyq baılanystardyń  qajet ekendigin únemi aıtyp keledi. Aldaǵy ýaqytta Pavlodar oblysy men Kaıserı provınsııasy tabysty áriptesterge aınala­tynyna senemin, dedi oblys ákimi B. Saǵyntaev.  Endi ǵana bastal­ǵan bul qarym-qatynas­ta­rdan biz úlken úmit kútemiz, dedi Kaıserı gýbernatory Mevlıýt Bılıdjı. Osy jerde ekonomıkalyq seriktestik aıasyn keńeıtý maqsatynda pavlodarlyq kásipkerlerdiń Túrkııa ónerkásip jáne saýda palatasy ókilderimen kezdesýleri uıymdastyryldy. Budan basqa qonaqtarǵa etnografııalyq mýzeı men qaladaǵy eń úlken sporttyq keshen kórsetildi. Pavlodarlyq resmı delegasııanyń sapary Ystambul qalasynda jalǵasyn tapty. Osy jerde elimiz Premer-Mınıstriniń orynbasary, Indýstrııa jáne jańa tehnologııalar mınıstri Áset Isekeshev pen Pavlodar oblysynyń ákimi Baqytjan Saǵyntaev Túrkııa prezıdenti Abdolla Gúlmen kezdesip, eki jaqty yntymaqtastyqtyń keleshek perspektıvalaryn talqylady. Búginde qos memleket arasyndaǵy ózara taýar almasý 3 mıllıardqa jýyq dollardy quraıdy. Osy ýaqyttan bastap bul aıtarlyqtaı artatyn boldy. Paıdaly yntymaqtastyqtyń qolaıly faktorlary kóp, birinshi kezekte túrikter úshin de, qazaqstandyqtar úshin de sheteldik kapıtaldy tartý tıimdi. Bıznes ortalyqtaǵy kelissózder zalynda eki eldiń bıznesmenderi men ónerkásipti kásip­oryndardyń ókilderi bas qosty. Bıznes-qurylymda ózara qyzyǵýshylyqtar kóp.  Keıbir qazaqstandyqtar úshin Qara teńiz jaǵalaýynan qural-jabdyqtardy ákelý, túrikter úshin “Pavlodarda jasalǵan” markasymen hımııalyq ónerkásip ónimderin elderine jetkizý tıimdi. Máselen, áńgime barysynda “Ekibastuz GRES-1” JShS-niń basshysy Rysqan Sybam­baev pen “HYDROTECH-FILTER” túrik fır­ma­synyń bas dırektory Ilııas Erjanda kóptegen ortaq máseleler paıda boldy. “Bul fırma avtomobılderge arnalǵan, sondaı-aq shaǵyn qýatpen jumys isteıtin elektr stansalaryna shaqtalǵan súzgiler shyǵarady. Bular bizde de  paıdalanylady. Olardy satyp alýda kóptegen qıyndyqtarǵa kezdesetinimiz ras. Bizdiń bul fırmamen keleshek yntymaqtastyǵymyz úlken jáne jaqsy nátıjelerge qol jetkizemiz dep oılaımyn, dedi dırektor. Túrik kásipkeri de Ekibas­tuz GRES-1 kásipornymen tyǵyz yn­tymaq­tastyq ornatýǵa múddeli, sondyqtan bizdiń óndiristi óńirge kelýdi josparlap otyr. Al, pavlodarlyq “Neftehım-LTD” kompanııasynyń dırektory Erlan Qusanov ta bul sapardyń beker bolmaǵanyna senimdi. Ystambuldyq “Hımııa ónimderi” fırmasynyń dırektory Murat Ak­mozben máselelerdi talqylap, yntyma­q­tas­tyqty jaqyn kúnderi bastap ketýge eki jaqty sheshim qabyldandy. Odan sońǵy ekijaqty iskerlik qatynastar Premer-Mınıstrdiń orynbasary Áset Ise­keshevtiń qatysýymen ótken bıznes-forýmda sóz boldy. Ol Qazaqstannyń ınvestısııalyq múmkindikterine erekshe toqtalyp, túrkııalyq kásipkerlerdiń suraqtaryna jaýap berdi. Osyǵan uqsas biraqatar  kezdesý Túrkııanyń óndi­ris­shileri men kásipkerleri assosıasııasynda da ótti. Mundaı kezdesýlerde oblys óndirý­shileriniń ónimin eksporttaý úlken mańyzǵa ıe boldy. Osy maqsatta delegasııa túrkııalyq iri korporasııa “Kıbar Holdıngtiń” quramyndaǵy “Assan Aluminium” atty óndirýshi kásiporynda boldy. Munda Ulybrıtanııadan ákelinetin alıýmınııdi qaıta óńdeý joǵary teh­no­logııalyq deńgeıde júrgiziledi. Bıyl Qazaq­stan elektrolız zaýytynyń alıýmınııdi jylyna 250 myń tonna óndiretindeı jobalyq qýatynda shyǵatyndyǵyn eskersek, onda Túrkııa tarapynan týyndaǵan qyzyǵý­shylyqtyń bizdiń aımaǵymyzdaǵy eksporttyń damýyna úlken túrtki bolary sózsiz. Taǵy bir aıta keterimiz, “Kıbar Holdıng” korporasııa basshylyǵymen bizdiń oblysta osyǵan uqsas zaýyt salý týraly ýaǵdalastyqqa qol jetkizilip te qoıdy. Qazirgi ýaqytta ón­diristik qajetti qujattar men tehnıkalyq jobalar jasalýda. Perızat ShAKENOVA, oblys ákiminiń baspasóz hatshysy, Farıda BYQAI. PAVLODAR.