О́zekti máseleler Úkimetke usynylady

Byltyr Ulttyq quryltaıdyń músheligine endim. Qaraǵandy oblysynan múshelikke ótkenime qýanyshtymyn. Munyń mańyzy zor. Sebebi Qaraǵandy ob­ly­syn­daǵy máselelerdi res­pýblıkalyq deńgeıde kóterý­ge, mınıstrlikterge, Úkimetke jetkizýge múmkindik aldyq.

Ulttyq quryltaı múshesi bolǵannan keıin eldegi jaǵdaıdy aıtyp, ony Prezıdenttiń qula­ǵyna jetkizýge tıispiz. О́tken bir jyldyń ishinde óte úlken oqıǵalar boldy. Prezıdent saılandy, Májilis pen máslıhattar saılaýy ótti. 

Qazirgi tańda jer­gilikti jerde qordalanǵan másele kóp  ekeni­ne kózi­miz jetip otyr. Qarjy­nyń qalaı bólinetinin, qalaı jumsalatynyn, qalaı bólinetinin, osy baǵyttaǵy aýqym­dy kemshilikterge kýámiz. Budan bólek, byltyrǵy jáne bıylǵy órt te halyqty mazasyzdandyryp otyr. Zańdar­dy, baǵdarlama­lar­dy qabyldaý bir bólek. Sol sebepti aldaǵy Quryltaıda ózekti máseleler qozǵalatyny sózsiz. Iаǵnı mınıstrlik, Úkimet tarapynan baqylaý joq, qadaǵalaý joq. Jergilikti mekemelerge bergen statıstıkaǵa súıenip, búkil jumys jaqsy júrip jatyr dep esepteıdi.

Mınıstrler aýyldardy aralap, halyqpen kezdesip, má­se­­­leni kózimen kórýi kerek. Tur­ǵyndarmen kezdespegennen keıin osyndaı apattar bolyp jatyr. Quryltaı músheleriniń mindeti – jergilikti jerdegi ózekti máselelerdi Prezıdentke jetkizý. Quryltaıdyń múshesi  retinde aýylǵa baılanys­ty, onyń nelikten damymaı otyrǵany týraly, kózim kór­gen máselelerdi baıandadym. Bu­dan bólek, bilim, medısına, óndiris, jer taqyrybyna qatys­ty salalardaǵy óres­kel kem­shilikterdi, baǵdar­la­ma­lardyń jetilmegen tusyn kór­setip, birneshe usynys jol­­dadyq. 

Lázzat QOJAHMET,

Ulttyq quryltaı múshesi