Ulysymnyń uıytqysy – ońtústik óńirinen osy quryltaıǵa múshe bolyp qatysqanymdy óz basym ómirimdegi bıik belesterdiń birine balaımyn. Ulttyq quryltaı azamattyq qoǵamnyń negizgi ınstıtýttarynyń biri bolýǵa tıis. Bul týraly Ulttyq quryltaıdyń alǵashqy otyrysynda Prezıdent Qasym-Jomart Toqaev aıtqan bolatyn.
Memleket basshysy «Memleket tańdaǵan baǵytty halyqtyń basym kópshiligi qoldaıtyny óte mańyzdy. Bizdiń azamattarymyz elimizde túbegeıli ózgerister bolady dep senedi. Biz halyqqa reformalardy júrgizý barysyn udaıy túsindirip otyrýǵa tıispiz. Qazirdiń ózinde jańǵyrtý úderisi birtindep búkilhalyqtyq sıpat alyp keledi. Árbir azamat jańǵyrtýdyń áserin sezinýge tıis. Eger árkim eldegi ózgeristerge óziniń jeke isi retinde qaraıtyn bolsa, onda biz shynymen jańarý jolyna túsemiz. Muny elimizdiń árbir azamaty túsinýge tıis», degen edi.
О́tken Quryltaıda Ádiletti Qazaqstannyń negizi qalandy. Bul elimizdiń jarqyn bolashaǵy men muratyn aıqyndaǵan aıtýly oqıǵa boldy. Memleket basshysynyń 2019 jyldan beri júrgizip otyrǵan saıasaty – elimizdiń birtutastyǵyn nyǵaıtyp, ádiletti, ekonomıkalyq jáne áleýmettik jaǵdaıy turaqty ári udaıy damyp otyratyn memleket qalyptastyrý. Sol baǵytta qajetti reformalardy usynyp, olardy der kezine júzege asyryp keledi.
Ulttyq quryltaıdyń músheleri – halyqtyń kókeıindegi júrgen, qoǵamdaǵy mańyzdy máselerdi aıtyp qana qoımaı, sol máselerdi sheshý jolyn da biletin azamattar. Aldaǵy ýaqytta olar jumysyn jandandyra túsý kerek. Ulttyq quryltaıdyń el ishindegi nasıhatyn da qolǵa alǵan jón.
TÚIIN. Ulttyq quryltaı – Prezıdent janyndaǵy negizgi konsýltatıvtik-keńesshi organ. Memleket basshysy bul uıymdy qurý týraly bastamany ótken jyldyń naýryzyndaǵy Joldaýynda kótergen bolatyn. Onyń quramynda 117 adam bar. Oǵan barlyq oblystyń, san túrli salanyń, ár býynnyń ókilderi endi. Sondaı-aq Parlament depýtattary, saıası partııalar men Qazaqstan halqy Assambleıasynyń músheleri de quryltaı quramyna shaqyryldy. Úkimettik emes jáne kásibı uıymdardyń ókilderi de úles qospaq. Budan bólek, quryltaı quramyna óńirlik qoǵamdyq keńesterdiń músheleri de shaqyrylyp otyr. Iаǵnı túrli qoǵamdyq pikir túgel qamtylǵan ókildi qurylym qalyptasty dep aıtýǵa tolyq negiz bar.
Sondaı-aq byltyr jeltoqsanda Egov platformasynda «Quryltai» mobıldi qosymshasy iske qosyldy. Azamattar bul platformaǵa qoǵamdaǵy ózekti máseleler jóninde óz oılary men usynystaryn joldaı alady. Ulttyq quryltaı ıdeologııalyq tujyrymǵa súıenedi. Iаǵnı memleketimizdiń tarıhy tym tereńde jatqanyna nazar aýdarady. Sondaı-aq ultty uıysýǵa shaqyratyn birden-bir keńes memleket múddesin bárinen bıik qoıýǵa úndeıdi.
Baýyrjan ÁLTEEV,
Ulttyq quryltaı múshesi,
Shymkent qalasy qoǵamdyq keńesiniń tóraǵasy
