Kórme Astana Memlekettik muraǵatynyń muraǵattyq qujattarynan, Qazaqstan Respýblıkasynyń ortalyq memlekettik kınofotoqujattar men dybys jazbalarynyń muraǵatynan, Qazaqstan Respýblıkasy Ulttyq mýzeıiniń qorlarynan jáne QR Tuńǵysh Prezıdenti kitaphanasynan turady.
«О́zderińiz biletindeı, jańa Astananyń halyqaralyq tusaýkeseri 1998 jyly 10 maýsymda ótti. Osyǵan baılanysty 10 maýsym men 4 shilde aralyǵynda qalamyzdyń fotosýret kórmesin ótkizemiz. Bul foto túrli tarıhı qorlardan, QR Ulttyq murajaıynan, sondaı-aq eń kóne óńirlik gazetterdiń muraǵatynan alynǵan», dedi Astana memlekettik muraǵatynyń ǵylymı-zertteý jumysy qyzmetiniń jetekshisi Ǵazıza Isahan.
Ekspozısııada Astananyń mańynda ornalasqan ortaǵasyrlyq Bozoq qalashyǵynan bastap elorda shejiresi usynylǵan.
Sondaı-aq revolıýsııaǵa deıingi kezeńdegi qalanyń kórinisin kórýge bolady. Onda alǵashqy kópester úıi, ǵımarattar, qala kósheleri beınelengen. Kelesi kezeń – HIH ǵasyrdyń aıaǵy men HH ǵasyrdyń basy, ol Aqmola okrýginiń negizgi saýda ortalyǵy retinde qala bolyp qalyptasýyna keledi.
Astanany Almatydan sol kezdegi Aqmolaǵa kóshirý kezeńin qamtıtyn muraǵattyq fotosýretter de usynylǵan.
Kórme 4 shildege deıin «Astana qalasynyń memlekettik muraǵaty» MM Qaldaıaqov kóshesi, 13 mekenjaıy boıynsha ótedi.
