«Sizderdi Medısına qyzmetkeri kúnimen shyn júrekten quttyqtaımyn! Adam ómirin saqtap, densaýlyǵyn nyǵaıtý jolynda aq halatty abzal jandardyń eńbegi ushan-teńiz.
Árdaıym baqytty ǵumyr keship, qıyn da aýyr eńbekterińizdiń jemisin kórińizder.
Ult densaýlyǵyn nyǵaıtý – memleketimizdiń eń mańyzdy basymdyǵy.
Qajyr-qaıratty talap etetin osynaý mártebeli mindet aq halatty abzal jandardyń ıyǵynda ekeni sózsiz.
Qazaqstanda medısınanyń birqatar baǵyty qazirdiń ózinde halyqaralyq deńgeıde tabysty básekelestikke túsýde. Búginde halyqqa joǵary tehnologııalyq medısına qyzmetteri qoljetimdi. Ulttyq ǵylymı kardıohırýrgııa, Ulttyq neırohırýrgııa, Iаdrolyq medısına jáne basqa da kóptegen zamanaýı medısına ortalyqtary jumys istep tur.
Memleket basshysynyń tapsyrmasy aıasynda «Aýyldyq densaýlyq saqtaýdy jańǵyrtý» ulttyq jobasyn júzege asyrý bastaldy. Onyń sheńberinde bıyl 309 alǵashqy medısınalyq-sanıtarlyq kómek kórsetý nysanynyń qurylysy qamtamasyz etiledi.
Memleket aldaǵy ýaqytta da qazaqstandyq dárigerlerdiń eńbegin baǵalap, ál-aýqatyn jaqsartý jolynda bar kúsh-jigerin salady.
Eren eńbekterińiz úshin myń alǵys! Sizderge myqty densaýlyq, qajymas qaırat, bolashaqqa senim, abyroı jáne tabys tileımin!», delingen Úkimet basshysynyń quttyqtaý sózinde.
