Resmı derekterge sáıkes , Katonqaraǵaı aýdanynyń Sennoe aýylynan 3 shaqyrym jerde, «Katonqaraǵaı ulttyq tabıǵı parki» RMM Aqsý fılıalynyń aýmaǵynda (Ýst-Iаzovskoe ormanshylyǵy) tutanǵan órttiń jalpy aýdany 15 gektardy qurady.
«Shóp pen butalardy sharpyǵan ot saǵat 14:00-de oqshaýlandy. О́rtti sóndirýge TJD-dan 11 adam, orman sharýashylyǵynan 99 adam jáne 3 tehnıka, «Avıaormanqorǵaý» mekemesinen 6 adam jáne jergilikti atqarýshy organnan 7 adam jumyldyryldy», dep habarlady TJM baspasóz qyzmeti.
Buǵan deıin Shyǵys Qazaqstan oblysyndaǵy Katonqaraǵaı ulttyq tabıǵı parkinde qurǵaq shóp pen butalar órtenip jatqany týraly habarlaǵan edik.
