Bıylǵy jyldyń 31 mamyrynda QR Úkimeti jyl saıyn maýsym aıynyń úshinshi jeksenbisinde búkil el boıynsha atap ótiletin Ákeler kúni – jańa mereke kúnin belgiledi.
Merekelik is-sharaǵa Aqparat jáne qoǵamdyq damý mınıstri Darhan Qydyráli, Úkimet músheleri, Qazaqstan Respýblıkasy Parlamentiniń depýtattary, jergilikti atqarýshy organdardyń, úkimettik emes uıymdardyń ókilderi jáne elorda turǵyndary qatysty.
Ákeler kúniniń negizgi maqsaty - dástúrli otbasylyq qundylyqtardy ilgeriletý men «yntaly ata-ana bolý» ıdeıasyn nasıhattaý.
Aqparat jáne qoǵamdyq damý mınıstri Darhan Qydyráli ákelerdiń otbasyn nyǵaıtý men bala tárbıesindegi róli jaıynda sóz qozǵady.
«Otan - otbasynan bastalady. Al otbasynyń tiregi, otaǵasy men qara shańyraqtyń ıesi - ákeler ekeni belgili. Búgin osy jerge ómirdiń san túrli qıyndyqtaryna tótep berip, jurtqa pana bolǵan qadirli de qurmetti ákeleremiz kelip otyr. Barsha jınalǵan ákeler qaýymyn shyn júrekten búgingi merekemen quttyqtaımyn!», dedi mınıstr.
Is-shara aıasynda ákeler kúnine oraı áleýmettik jobalar jármeńkesi, merekelik konsert jáne balalar shyǵarmashylyǵy kórmesi uıymdastyryldy.
Sonymen qatar respýblıka boıynsha Ákeler kúnine oraılastyrylǵan saraptamalyq alańdar, dóńgelek ústelder, kóp balaly ákelerdiń qatysýymen otbasylyq jarystar ótti.
