Adam resýrstarynyń sapasyn densaýlyq, bilim, bilik anyqtaıdy. Ol adamı kapıtalǵa, ulttyq qundylyqqa aınalýy úshin ult bolyp uıysý mańyzdy. Onyń ishinde men eńbek adamyn qurmetteý máselesi qozǵalǵanyna erekshe qýanyp otyrmyn. Byltyr Ulytaýdaǵy quryltaıda eńbek týraly arnaıy másele kóterip edim. Meniń oıymsha, Eńbek kúnin atap ótýdiń jańa tujyrymdamasy qajet. Eńbek Eri degen ataq ta sol eńbek kúni berilse deımin. Ozat eńbekkerdiń tájirıbesi, ómir joly, jetken jetistigi sol qýanyshty kúnde nasıhattalsa, jastarmen túrli kezdesý uıymdastyrylyp, ártúrli habarlar taratylsa, balalardyń boıynda eńbekpen bıik beleske, qurmetke jetýge bolady degen uǵym qalyptasar edi. Sondyqtan eńbek árdaıym durys baǵalanýǵa tıis. Ishki jalpy ónim men jalaqy ósse, ekinshiden eńbek adamyn qorǵaıtyn kásipodaqtar róli ósse ıgi. Eldiń áleýmettik damýynda eńbek adamy, jumys berýshi jáne memleket deıtin úsh taǵannyń tepe-teńdigin qamtamasyz etýimiz kerek.
Álıhan BAIMENOV,
«Astana memlekettik qyzmet habynyń» tóraǵasy
