Mádenıet jáne sportty túsinetinder kóp. Al ǵylymnyń tilin kim túsinedi? Qazaq degen el shyn máninde osy ǵasyrdan ótip, tarıh topyraǵyna kómilip qalmaımyn dese, tehnıkalyq el bolýy kerek. Táýelsizdiktiń tóresi – tehnıkalyq táýelsizdik.
Jaqsy kólik, jaqsy kompıýter shyǵarsaq, ekonomıka kúshti bolady. Ásker myqty bolsa, seniń sóziń de ótimdi bolady. Keıingi jyldary qazaq ǵylymyna qajetti jaǵdaı jasalyp, erekshe kóńil bólinip jatyr. Onyń barlyǵy birinshi tulǵaǵa baılanysty. Jalpy, ǵylym men tehnologııanyń damýy – zańdy qubylys. Bizdiń elimizde burynǵymen salystyrǵanda granttyń sany kóbeıdi, ǵylymmen aınalysatyn adamdarǵa múmkindik jasalyp jatyr.
Asqar JUMADILDAEV,
Ulttyq ǵylym akademııasynyń vıse-prezıdenti
