Bir jyl buryn KMF-tiń Agile-ge kóshý eksperımenti týraly sheshim qabyldandy. Sonymen qatar kompanııa klıentke degen qurmetin jáne olardyń bıznesin damytýǵa negizdelgen, 25 jyl boıy ustanyp kele jatqan basty qundylyqtaryn saqtaýǵa tyrysty. Agile óz kezeginde klıentterdiń barlyq talabyna sáıkes keletin qyzmetterdi tıimdi de jyldam engizýge múmkindik beretin draıverge aınaldy.
Jańa sapalyq deńgeıge kóshý trenıngterden bastaldy. Kompanııa mamandarynyń aıtýynsha, bul transformasııany synaq deýge bolady. Sebebi, birinshiden, bul – burynǵy jaıly ári úırenshikti daǵdylardan arylý jáne jobalarda múmkindiginshe ashyq bolý. Ekinshiden, jańa sıfrlyq relsterdi qaıta qurý ispetti. Aleksandra Kovaleva Agile-ge baılanysty ótken trenıngterdiń alǵashqy qatysýshylarynyń biri boldy. Táýekelder jónindegi dırektor laýazymyna ıe bolǵan ol ózi de táýekelge barǵanyn jáne sol úshin esh ókinbeıtinin aıtady. Onyń aıtýynsha, mundaı sheshim – kimniń bolsyn óz qarym-qabiletin synap kórýdiń tamasha múmkindigi.
Sýrette: KMF jeke menedjeri jáne kompanııa klıenti.
«Maǵan KMF-tegi Agile-di basqarý usynylǵanda men ony synaq retinde qabyldadym. Degenmen klıentterimiz úshin paıdaly bolatyn sıfrlyq ónimderdi shyǵarý úderisiniń basy-qasynda bolǵym keldi. Qazir klıentterimizdiń sany 260 myńnan asady. Osylaısha, Agile dırektory retinde ómir jolym bastaldy», dep eske aldy Aleksandra Kovaleva. Arnaıy bilim alyp, bul baǵytty jetik meńgergen Agile iskerler toby klıentterdiń KMF-pen jyldam jumys isteýi úshin sıfrlyq qyzmet kórsetýdi iske qosý maqsatyn alǵa qoıǵan.
«KMF-te Agile dáriptelmegen edi. Qıyndyqtardyń áli de alda ekenin jaqsy túsindik. О́mirimizde «retrospektıva, beklog, demo, deılı mıtıng» degen sııaqty jańa uǵymdar paıda boldy. Tártip pen ónimdilik tásili arqyly jumysymyzdy aıtarlyqtaı ózgerte bastadyq. Birinshi kezekte jumystaǵy tapsyrmalar tizimin qysqarttyq, eń negizgisin belgilep, komanda jumysyn eń mańyzdy ári qoldan keletin jobalarǵa qaraı baǵyttadyq. Sondaı-aq «blokerler» dep atalatyn kedergilerdi joıýǵa kiristik», deıdi A.Kovaleva.
Qazirgi tańda bul komanda klıentter men qyzmetkerlerge arnalǵan mobıldi qosymshany jaqsartýǵa, nesıelik qujattardy sıfrlandyrý men CRM júıesin jetildirýge bar kúsh-jigerin salyp jatyr.
«Aıta keteıik, KMF klıentteriniń basym bóligi – aýyldy jerdiń kásipkerleri. Bálkim, IT, sıfrlandyrý, Agile nemese zamanaýı tehnologııalar uǵymyn aýylmen sáıkestendirý ádettegiden qıynyraq bolýy múmkin. Biraq bul qalyptasyp qalǵan pikirge biz bar daýysymyzben «Joq!» deımiz. KMF klıentteri, onyń ishinde shalǵaı aýyldar men óńirlerdegi tutynýshylar Agile qyzmetin tolyqqandy paıdalanyp otyr. Olar úshin bólimshelerge baryp-qaıtatyn ýaqytty únemdep, ony óz kásibine arnaý asa mańyzdy.
Biz mobıldi qosymshamyzdy aıtarlyqtaı jańarttyq. Klıentterimiz esh qıyndyqsyz, birer mınýttyń ishinde belgili bir somany kez kelgen bank kartasynan ala alady. Kóp qaǵaz jınap júrýdiń qajeti joq. Anyqtamalardy da bir-eki túımeni basyp, onlaın alýǵa bolady. Jaqynda bıznes-klıentterimizge taǵy bir jańalyq usynamyz, ol – isker adamnyń qarjy esepterin júrgizýde keremet kómekshi bolatyn qarjy dápteri», dedi Aleksandra.
KMF bólimshelerine kelýdi qalaıtyndarǵa da barlyq jaǵdaı jasalǵan. Keńselerde tegin wi-fi bar, al kóptegen úderis sıfrlyq formatqa kóshken. Tipti bólimshege kelgen klıentterge kóp qujatqa qol qoıýdyń da qajeti joq. Birer sekýnd ishinde ESQ nemese SMS kómegimen mobıldi qosymshada qujattarǵa qol qoıyp, maquldanǵan somany alýǵa bolady.
«Elektrondy kelisimsharttar barlyq kompanııalar úshin qolaıly. Sebebi, birinshiden, klıentterge qyzmet kórsetý sapasy jaqsarady, bólimsheler jumysynyń jyldamdyǵy artyp, menedjerler jumysyna túsetin salmaq azaıady. Ekinshiden, ekologııa úshin de taptyrmas kómek. Biz qarjylandyrýǵa jaýapkershilikpen qaraýdy qoldaımyz jáne sıfrlyq sheshimderdi engizýmen qatar, resýrstardy sanaly tutyný men saqtaý baǵytyna bet aldyq», deıdi A.Kovaleva.
Kompanııa jyldar boıy kásibı maman qalyptastyrý isine basa mán berdi, jeke menedjerler – sol ıgi jumystyń nátıjesi. Olar ótinimderdi rásimdeý, bıznesti baǵalaý nemese ónimder men qyzmetter boıynsha keńes berý úshin klıentterine ózderi barady. Kompanııa menedjerleri qosymshasy bar smartfondarmen jabdyqtalǵan, bar bolǵany birneshe tetikti basý arqyly mıkroqarjylandyrýǵa ótinim berýge, aldyn ala maquldaýdy alýǵa, tólem kestesimen tanysýǵa jáne taǵy basqa qyzmetke qol jetkizýge bolady. Klıent isteýge tıis jalǵyz sharýa – qajetti somany alyp, óz bıznesin damytý.
«KMF klıentteri – ekonomıkanyń túrli salasynda qyzmet etetin kásipkerler. Olardyń kópshiligi bıznesterin óz betinshe júrgizedi. Sondyqtan biz olardyń kompanııamen qarym-qatynasyn barynsha jeńildetýge tyrysamyz. Mysaly, qyzmetkerdiń mobıldi qosymshasyndaǵy fýnksııalar únemi jańartylyp otyrady, biz ony menedjerlerdiń jumysyn jeńildetetin, klıentterge bıznes ornynda tez jáne sapaly qyzmet kórsetýge múmkindik beretin jańa «fıchtermen» tolyqtyryp otyramyz», deıdi A.Kovaleva.
Búgingi tańda KMF óz klıentterine yńǵaıly sıfrlyq qyzmettiń kóptegen túrin usynyp otyr, bul olardyń qarjy uıymymen jumys isteý kezinde bolatyn úderisterge alańdamaı, kásibin odan ári júrgize berýine múmkindik beredi. KMF mamandarynyń aıtýynsha, Agile sıfrlyq transformasııada basqarýdyń barlyq deńgeıine enip, óz fılosofııasyn qalyptastyryp, negizgi rólderdiń birin atqarady.
Mıkroqarjylyq qyzmetti júzege asyrý quqyǵyn beretin QNRDA-nyń 26.02.2021 jylǵy №02.21.0003.M lısenzııasy.
ALMATY
