Halyqaralyq sharaǵa 34 elden 40-tan asa spıker arnaıy keldi. Olar eki kúnge sozylatyn forým aıasynda sóz sóılep, tájirıbelerimen bóliskeli otyr. Olardyń arasynda BUU Eriktiler Baǵdarlamasynyń atqarýshy úılestirýshisi Toılı Kýrbanov, rejısser, «Mádenı bastamalar» qorynyń quryltaıshysy T.Bekmambetov, BUU Balalar qorynyń (IýNISEF) Qazaqstandaǵy ókildiginiń basshysy Artýr Van Dızen, О́zbekstan volonterler Assosıasııasynyń basshysy Shırın Abıdova, mýzykant, «AHBAP» Assosıasııasynyń» Prezıdenti Halýk Levent jáne basqalary bar.
Is-sharaǵa Qazaqstannyń barlyq óńirlerinen delegattar qatysyp jatyr. Jalpy forýmǵa 400-ge jýyq adam qatysyp otyr. Onyń 140-y halyqaralyq uıymdardyń ókilderi men sheteldik qatysýshylar.
«Halyqaralyq volonterlik bastamalar: tásilder men tájirıbeler» taqyrybynda ótetin birinshi paneldik sessııanyń otyrysynda Túrki memleketteri Uıymynyń Bas hatshysy Kýbanychbek Omýralıev, BUU Qazaqstan Respýblıkasyndaǵy Turaqty úılestirýshisi Mıkaela Frıberg-Storı, Rejısser, «Mádenı bastamalar» qorynyń quryltaıshysy Tımýr Bekmambetov, QR Parlamenti Senatynyń depýtaty Nurtóre Júsip, Qazaqstandaǵy IýNFPA ókili jáne Túrkimenstan men Qyrǵyzstan boıynsha Eldik dırektory Ronnı Lındstorm, Birikken Ulttar Uıymynyń Eriktiler Baǵdarlamasy aıasyndaǵy aımaqtyq saıasat mamany Emılııa Asadova sóz sóıleıdi.
