«Malshylar kúni» merekesiniń basty maqsaty – mal sharýashylyǵy salasyndaǵy azamattardyń mártebesin kóterý, olardy eńbektegi jetistikteri úshin kótermeleý, aýyl sharýashylyǵyn damytý», dedi mereke ıdeıasynyń avtory jáne uıymdastyrýshysy, Ulttyq agroqozǵalys tóraǵasy Almasbek Sadyrbaı.
Sońǵy ýaqytta elimizde mal sharýashylyǵy qarqyndy damyp keledi. Mal basy jyldan jylǵa kóbeıip jatyr.
Maqala avtorynyń jazýynsha, 2022 jyldyń ózinde iri qara mal sany – 4,2%-ǵa, qoı – 4,8%-ǵa, jylqy – 10,5%-ǵa, túıe – 6,5%-ǵa, qus sany 4%-ǵa artty. Qazirgi tańda respýblıkanyń AО́K jalpy óniminiń shamamen 40%-y mal sharýashylyǵynyń úlesine tıesili.
Sonymen qatar mal basyn jáne mal sharýashylyǵy ónimderin ulǵaıtý úshin bıyl 108 mlrd teńge bólinip otyr.
Mereke aıasynda birqatar sharýa qojalyǵynyń jetekshileri Aýyl sharýashylyǵy mınıstrliginiń «Eńbek ardageri», «Aýyl sharýashylyǵynyń úzdigi» tósbelgilerimen marapattaldy.
Aıta ketken jón, mal sharýashylyǵyn damytý – ultymyzdyń altyn tamyry sanalatyn alys aýyldardy damytý, atameken – darqan dalany túletý.
