«Qazaqstanda volonterlik qyzmettiń damýyna erekshe nazar aýdarylyp otyr. Sońǵy úsh jylda elimizde eriktiler sany úsh ese kóbeıgen. Máselen, 2019 jyly volonterlik uıymdardyń sany 50-den astam bolsa, qazirgi tańda 680-ge jetip otyr. Al eriktiler sany 50 myń bolsa, qazir respýblıka boıynsha volonterler sany 200 myńnan asyp otyr», dedi Danııar Qadirov Halyqaralyq eriktiler forýmy barysynda.
Osy tusta vıse-mınıstr ótken jyly qurylǵan Ortalyq Azııa volonterler habynyń jumysyna oń baǵa berdi.
«Ortalyq Azııa volonterler haby jyl boıy jumys istedi, uıymdastyrylǵan is-sharalar aıasynda habtyń mańyna toptasqan eriktiler sany da kóbeıe tústi. Bıyl da ózge elderden usynystar kelip túsip jatyr. Olar da osy habqa qosylǵysy keledi. Túrkııa men Ázerbaıjan da atalmysh habqa qosylyp, tájirıbe almasý nıetin bildirdi. Kúni keshe Astanada Halyaqarlyq volonterlik ortalyǵy ashylǵanyn da eske salǵym kelip otyr», dep qosty vıse-mınıstr.
