Bul kólikterdiń ereksheligi sol, kún qatty qyzǵan ýaqytta ǵana júredi. О́ıtkeni kólik tóbesine ornatylǵan batareıalar kún sáýlesi qýatyn jınap, jınalǵan energııany birden taqtaıshalar astyna jalǵanǵan radıatorǵa jiberedi. Kúnniń qyzýy azaıyp, kesh túse bastaǵanda qalypty jyldamdyqty ala almaǵan soń kólikter toqtaıdy.
Kún kólikteri kórmesi Aqtóbede osymen úshinshi ret uıymdastyrylyp otyr. Jazda qoldan qurastyrylǵan kóliktermen elimizdiń aýmaǵyn júrip ótýdi úsh jyl buryn taldyqorǵandyq ónertapqysh Nıkıta Poddýbnov bastady. Ol janar-jaǵarmaıdy qajet etpeıtin ózderi qurastyrǵan kún kóliginiń basty kemshiligi kúndelikti ómirde qoldanýǵa kelmeıtindigi deıdi. Máselen, qazirgi kezde tanymaldylyǵy joǵary, álemde qoldanysqa engizile bastaǵan kún batareıalarymen júretin «Mantana» kóliginiń salmaǵy 350 kılo. Salmaǵy joǵary kóliktiń qozǵalysqa enýi úshin qýatty elektr togy kerek. Al, Nıkıta kóliginiń salmaǵy 100 kılodan aspaıdy ári kabınasy óte tar. Túnde aıdalada kele jatyp kólik ishine qonýǵa kelmeıdi. Sondyqtan saıahatshylar ózderimen birge palatkalaryn alyp júredi. Soǵan qaramastan jaz kezinde saıahattaýǵa óte yńǵaıly, janarmaıdy qajet etpeıtin saıahatshylar kóligi synaqtan ótse, óndiriske jiberýge bolady. Ázirge ónertapqysh jigitter bul jaǵyn oılap júrgen joq.
AQTО́BE
