Bıyl ǵana Qaraǵandy oblysy dzıýdo federasııasynyń prezıdenti Tımýr Tursymbaev pen kezindegi tanymal dzıýdoshy, qazirgi tasy órge domalaǵan kásipker Almas Álsenovtiń bastamasymen irgetasy qalanǵan bul komandanyń serkeleri Astanada ótken «Qazaqstan Barysy Grand Slam 2023» týrnırine qatysqandyqtan Neva jaǵalaýyndaǵy jarysta Artem Shtýrbabın, Dastan Jumajanov, Arslonbek Tádjıev, Egor Rakov, Aqjol Dúısenbaev, Bekmurat Oltıboev syndy qosalqy quramdaǵy balýandar beldesti. Desek te olar da óz jankúıerlerin jerge qaratqan joq. Úshinshi oryn úshin tartysta jerlesterimiz Belarýstiń «Staıka» klýbyn utyp, qola medaldi moıyndarynda jarqyratty.
Aldaǵy ýaqytta «Jeńistiń» dzıýdoshylary Qurlyqtyq lıgada kúsh synasady. Bizdiń jigitter A tobyna tústi. Qarsylastarymyz – Máskeýdiń «Sambo 70», Belarýstiń «Staıka», Krasnodardyń «Jemchýjına» jáne Tájikstannyń «Hodjı Sharıf» klýbtary. Tórt toptyń árqaısysynan alǵashqy úsh oryndy ıelengen komandalar jarystyń kelesi kezeńine joldama alady.
