Ǵylym – el damýynyń kórsetkishi

Sonymen qatar delegasııa quramynda akademııanyń vıse-prezıdenti, akademık As­qar Ju­madildaev, Ǵylym depar­ta­mentiniń dırektory Rýslan Nur­­lybaev, akademııanyń bas­­qar­­ma bas­shysy Maqsat Bó­len­baev jáne keńesshi-sarapshy Dáý­ren Nu­ǵymanov boldy. Olar ǵylym sa­lasymen belsene aı­nalysyp otyrǵan oqý or­nyna ekskýr­sııa jasap, stýdent­termen, oqy­­týshylarmen til­desti. Oqý or­nynyń ǵylymı je­tistikterin, ma­te­rıaldyq-teh­nıkalyq baza­syn kórdi, ǵylymı jobalar kórmesin tamashalady. Budan keıin «ShQO joǵary oqý oryndary men ká­siporyndarynyń ǵylymı yn­ty­maqtastyǵy: máse­leleri men bo­lashaǵy» taqyrybynda alqaly jıyn ótti.

Delegasııa quramy óńirlik joǵary oqý oryndarynyń ty­nys-tirshiligimen tanysýdy Shy­ǵystan bastaýdy jón kórgen.

Ulttyq ǵylym akademııasy – Prezıdent janyndaǵy jo­ǵary ǵylymı uıym. Ol ǵylym­dy da­mytýdyń ózekti másele­le­rin sheshý jáne ǵylymı nátı­jeler deńgeıin arttyrý úshin óńir­lerdiń ǵylymı áleýetin tıimdi paı­da­lanýǵa múmkindik beredi.

Mártebeli meımandarmen qatar ónerkásiptik kásip­oryn­dardyń, ǵylymı-zertteý ıns­tı­týttarynyń ókilderi qa­tys­­qan dóńgelek ústel jumy­synyń barysynda ýnıversıtet ǵalymdarynyń ǵylymı jo­balary talqylanyp, ǵylym sa­lasyndaǵy túıtkildi máselelerdi sheshý tetikterin ázirleý má­selesi qaraldy.

Kúnsulý Zakarııanyń aıtýynsha, óńirlerde ǵylymdy damytýdy budan da joǵary deńgeıge kóterý qajet. Sebebi О́skemen – óndiristik qala. Ǵylymnyń naǵyz damıtyn ortasy.

– О́ńirlerdegi ǵylymdy damytý mańyzdy. Shyǵys óńirinde iri ónerkásip oryndarynyń sho­ǵyrlanýyna baılanysty munda ǵylymdy damytýdyń áleýeti jo­ǵary. Sondyqtan ǵylym, óner­kásip jáne bıznes ındýstrııa­sy jobalardy júzege asyrý ke­zinde qatar júrýi kerek, – dedi K.Zakarııa.

Ýnıversıtet rektory Sáýle Rahmetýllına jıynda aıtylǵan barlyq másele naqty sheshimin taýyp, joba túrinde kórinis tabatynyn aıtty.

Memleket basshysy Qasym-Jomart Toqaev el damýynyń strategııalyq baǵyty retinde ǵy­­lymnyń damýyna aıryqsha nazar aýdaryp, qoldanbaly zert­­teýlerdiń mańyzdylyǵyn, osy baǵytta bıznes pen ýnıver­sıtet­terdi shoǵyrlandyrý qajet­in atap ótken edi.

Rektordyń aıtýynsha, Shy­ǵys Qazaqstan tehnıkalyq ýnı­versıteti búginde úsh áleýmettik mańyzdy fýnksııany atqarady. Olar – joǵary bilikti mamandar daıarlaý, jańa bilim berý jáne qoǵamǵa qyzmet kórsetý.

Bul joǵarǵy oqý oryn oblys­tyń ınjenerlik kadrlarǵa degen negizgi qa­jettiligin qamtamasyz etedi. Stý­dentter oblystaǵy 290 kásip­orynda ón­­diristik tá­ji­rı­be­d­en ótip, olarda jyl saıyn myńnan astam jas maman jumysqa ornalasady.

Ýnıversıtettiń «úshtik spı­ral: ýnıversıtet, bıznes, bı­lik» úlgisin engizýdiń bire­geı tájirıbesi bar. Sonymen qatar birlesken zertteýlerdiń ná­tı­jeleri boıynsha tehnologııalar ázirlenip, tájirıbelik úlgiler alynǵan. Kom­mersııalandyrýǵa daıyn ónim­derdiń úlgilerin ón­diriske engizý ju­mystary júr­gizilip jatqany aıtyldy.

Shara barysynda Qazaq­stan-Ame­rıka erkin ýnı­ver­sıtetiniń prezıdenti Ere­jep Mám­betqazıev, S.Aman­jolov ýnı­versıtetiniń rek­­tory Muh­tar Tólegen, «Mashzavod» JShS men «О́skemen óner­­kásiptik ar­ma­týra zavody» AQ bas­­shy­lary óńirdegi ǵylym salasyn damy­týǵa, joǵary oqý oryndary men kásip­oryndardyń ǵylymı yn­­­ty­maqtastyǵyn nyǵaıtýǵa qa­­tys­ty mazmundy baıandamalar ja­­sap, óz usynystaryn jetkizdi.

Shyǵys Qazaqstan oblysy