Osyǵan baılanysty ýnıversıtette «QazMunaıGaz» ulttyq kompanııasy men enshiles kásiporyndary ókilderiniń qatysýymen dóńgelek ústel ótti. Ondaǵy maqsat – atalǵan bilim berý ordasyn ulttyq kompanııanyń korporatıvtik ǵylymı-ındýstrıaldy ortalyǵyna (R&D ortalyǵy) aınaldyrý máselesin talqylaý. Oblys ákimi Serik Shápkenovtiń aıtýynsha, oqý ordasynyń irgeli ǵylymı-ındýstrıaldy ortalyqqa aınalýynyń birneshe sebebi bar. Birinshiden, oqytýshylar men stýdentterdiń ǵylymı-zertteý jumystarymen aınalysýyna jol ashylady. Ekinshiden, óńirde joǵary bilimdi mamandardyń turaqtaýyna múmkindik beredi.
– «QazMunaıGaz» ulttyq kompanııasynyń enshiles kásiporyndary men akademııalyq qaýymdastyq ókilderiniń bir alańǵa jınalýyn ortaq maqsat pen múdde jolyndaǵy birlesken qadam deýge bolady. S.О́tebaev atyndaǵy Atyraý munaı jáne gaz ýnıversıteti – elimizdegi munaı-gaz salasynyń ǵylymı-ınnovasııalyq ortalyǵyna aınalýdy maqsat etip otyrǵan joǵary oqý orny. Munda jańa jobalardy iske asyrýǵa mol múmkindik bar, – dedi S.Shápkenov.
«QazMunaıGaz» ulttyq kompanııasy» AQ basqarma tóraǵasy Maǵzum Myrzaǵalıevtyń pikirinshe, ýnıversıtetpen tyǵyz jumys isteýdiń mańyzy zor. О́ıtkeni otandyq kompanııa ótken jyldan beri bilim salasyna erekshe nazar aýdaryp otyr.
– Atyraý munaı jáne gaz ýnıversıteti – salalyq bilimniń kóshbasshysy, bir oblystyń ǵana emes, basqa da óńirlerdegi ónerkásip kásiporyndaryna kadr daıarlaıtyn ustahana. Ulttyq kompanııa retindegi mindetimiz – teorııa jaǵynan ǵana jaqsy daıyndalǵan emes, sonymen qatar óndiris oryndarynda tájirıbeden ótken bilikti mamandardy daıarlaýǵa qoldaý kórsetý. Stýdentterdi tájirıbe jınaýǵa tartý, jumysqa alý osy ýnıversıtetpen jasalǵan memorandým aıasynda júzege asyrylady. Ǵylymı-zertteý jáne tájirıbelik-konstrýktorlyq jumystaryna tartý josparymyzda bar. О́ıtkeni biz enshiles kásiporyndardyń damyǵanyn, óndiriste zamanaýı ǵylymı jobalardyń engizilgenin qalaımyz. Ulttyq kompanııa men ýnıversıtet arasyndaǵy baılanysty nyǵaıta berýimiz qajet. О́ndiriske engizýge bolatyn barlyq ınjenerlik sheshimge jan-jaqty qoldaý kórsetiledi. Sol sebepti bul bilim ordasy bizdiń kompanııaǵa maman daıarlaıtyn kadr ustahanasy bola alady, – dedi M.Myrzaǵalıev.
Kezdesýde ýnıversıtet pen ulttyq kompanııa basshysy ǵylymı-akademııalyq baǵytty damytýǵa qatysty yntymaqtastyq pen ózara túsinistik týraly memorandýmǵa qol qoıdy. Qujatqa sáıkes otandyq kompanııa men onyń enshiles kásiporyndary R&D ortalyqta ǵylymı-zertteý jáne tájirıbelik-konstrýktorlyq sheshimderge bastamashylyq jasaǵaly otyr. Onyń ishinde kómirsýtekterdi barlaý, óndirý, munaı hımııasy, munaı óńdeý, munaı men gazdy tasymaldaý jáne taǵy basqa baǵyttar boıynsha sıfrlyq, tehnıkalyq tehnologııalyq mindetterdi iske asyrý bar. Budan bylaı ýnıvesrıtet stýdentteri ónerkásip nysandarynda óndiristik tájirıbeden ótedi. Kásiporyndardyń ınjenerlik-tehnıkalyq tobyndaǵy mamandar mentor retinde stýdentterge tájirıbesin bólisedi. Al kompanııa fakýltetterdegi zerthanalyq jáne tájirıbelik-konstrýktorlyq ınfraqurylymy ózgeshe damytýǵa qoldaý kórsetedi.
Sondaı-aq ýnıversıtet pen «QazMunaıGaz» Injınırıng» kompanııasynyń yntymaqtastyq perspektıvalary talqylandy. Atalǵan kompanııa ǵylymı zertteý júrgizip, munaı-gaz salasynyń tutas kesheni boıynsha óndiristik-tehnıkalyq taldaý jasaıdy. Al ǵylymı zertteýlerdi ken oryndarynda synaqtan ótkizý, ǵylymı kadrlardy enshiles kásiporyndarda óndiristiń qoldanbaly mindetterin sheshý úderisine tartý máseleleri sheshimin tabady.
Atyraý oblysy
