Men bul forýmda volonterlik qozǵalystyń aımaqtyq konsolıdasııasy taqyrybynda sóz sóıledim. Sonyń ishinde Ortalyq Azııadaǵy bes memleket eriktileriniń birigýi týraly aıttym.
Shyn máninde bul aımaqtaǵy árbir adam ómirge kelgennen volonter bolyp tárbıelenedi. О́ıtkeni bizdiń dástúrimiz sony úıretedi. Janymyzdaǵy adamǵa qolushyn sozý, onyń qaıǵysy men qýanyshyn bólisý, qıyn kezde járdemdesý – qanymyzǵa sińgen qasıet. Sondyqtan biz qazirgi almaǵaıyp zamanda tek kórshi bolyp qana qoımaı, syn saǵatta bir-birimizge kómekke keletin janashyr dos bolýdy tereńdete berýimiz qajet.
Sol sebepti, ǵalamdyq volonterler qozǵalysynyń birigýi degende, biz eń aldymen osy Ortalyq Azııa eriktileriniń birigýi úshin jumys isteýimiz kerek. Sol arqyly biz bir-birimizdiń áleýetimizdi, dostyǵymyzdy, tatý kórshiligimizdi burynǵydan da nyǵaıta beremiz. Eki jyl buryn bizdiń qaýymdastyǵymyz zańdy túrde tirkeldi. Sol kezden beri biz Qazaqstan, Tájikstan jáne Túrikmenstanmen dostyq qarym-qatynastarymyzdy oń jolǵa qoıdyq. Bul baǵyttaǵy jumystarymyz odan ári jalǵasyn taba beredi.
Shırın ABDIOVA,
О́zbekstan volonterler
qaýymdastyǵynyń basshysy
