Burǵylaý jumystaryn iske qosý rásimi ótti

Jobany tanymal Svevind nemis kompanııasy Eýropalyq keńes Prezıdenti Sharl Mı­­sheldiń ótken jyldyń qazan aıynda Qazaqstanǵa sapary kezinde qol qoıylǵan Investısııalar týraly kelisim aıasynda júzege asyrýda. Jo­ba boıynsha Mań­ǵystaýda jalpy qýaty 40 GVt bolatyn kún jáne jel stansalaryn salý jos­parlanyp otyr. Bul jylyna 2 mln tonnaǵa deıin «jasyl» sýtegi nemese 11 mln tonna «jasyl» ammıak  ón­dirýge múmkindik be­redi. Geologııalyq burǵylaý jumystarynyń bastalýy jobany damytýdyń jańa kezeńge kóterilgenin bildiredi – bul jerasty jynystaryn tere­ńirek taldaý jáne odan keıingi kezeń­derdi pysyqtaý úshin mańyzdy máli­metter alýǵa jaǵdaı jasaıdy. Jalpy, jo­ba­nyń arqasynda Qazaqstan sýtegi nemese ammıaktyń iri kólemin Eýropa jáne Azııa naryqtaryna jetkizý boıynsha múmkindikterin arttyrady, sondaı-aq el ekonomıkasynyń ekologııalyq taza ádisterge kóshýin jedeldetedi.

Svevind kompanııasynyń basshysy Volfgang Kropptyń aıtýynsha, álemde «jasyl» sýtegin óndirý boıynsha mundaı aýqymda birde-bir joba áli júzege asy­ryl­maǵan.

Sonymen qatar kásiporynǵa túrli jumystar júrgizýge be­ril­gen aýmaqty aralaý kezin­de mártebeli qonaqtardyń qa­ty­sýymen Genesis konsal­tıng kom­panııasy – fransııa­lyq Technip Energies ınjener­lik-tehnıkalyq jáne tehnolo­gııalyq kompanııasynyń enshi­les fırmasymen aldyn ala jobalaý-izdestirý jumystaryn (pre FEED) júrgizýge kelisim-shart­qa qol qoıyldy. Bul zertteýler mańyzdy tehnologııalyq sheshim­der qabyldaýǵa jáne zaýyt qurylysyn egjeı-tegjeıli josparlaýǵa kómektesedi.