Senatorlar búgin elektr skýterlerine joldyń oń jaq jolaǵynda, sonyń ishinde bir jolaqty avtobýs jolaǵynda júrýge múmkindik beretin skýterlerge qatysty zań jobasyn maquldady. Bul rette, skýterdiń júrgizýshisi keminde 18 jasta bolýy kerek, ol dýlyǵa jáne shaǵylystyratyn kıim kıgen bolýy kerek, sondaı-aq kez kelgen sanattaǵy júrgizýshi kýáligi bolýy kerek.
Senat otyrysynda jýrnalıster erejeniń birin buzsa, skýter júrgizýshisin qandaı jaza kútip turǵanyn surady.
«Endi elektroskýter júrgizýshileri jolaýshylar men júkterdi tasymaldaý erejelerin saqtamaǵany úshin eki bap – ÁQBtK-niń 593-baby boıynsha ákimshilik jaýapkershilikke tartylyp, 5 AEK (17 250 teńge) kóleminde aıyppul salynady. Sondaı-aq jol qozǵalysyna qatysýshylarǵa qoıylatyn basqa talaptardy buzǵany úshin 620-baby boıynsha (barlyq basqa quqyq buzýshylyqtar kiredi) jaýapkershilikke tartylady. Aıyppul kólemi - 5 AEK», dedi Qaısar Sultanbaev.
Eske salaıyq, zańnyń negizgi maqsaty - qalyptasqan quqyqtyq olqylyqty joıý jáne shaǵyn elektrli kólikterdiń, sondaı-aq elektr motorollerleriniń jumysyn zańnamalyq retteýdi engizý. Zań «Jol júrisi týraly» jáne «Ruqsattar men habarlamalar týraly» eki zańǵa ózgerister men tolyqtyrýlar engizýdi usynady.
