Elimizde táýlik boıy jumys isteıtin Prezıdent kitaphanasyn ashý bastamasyn kóterdi. Bul – jas býyndy otanshyldyq, eljandylyq jáne ulttyq rýhta tárbıeleýdiń qaınar kózi retinde kitaphana jumysyn jandandyrýǵa ıgi yqpal etetin ómirsheń bastama. Ulttyq múddege saı kitaptardy kóptep basyp shyǵarý týraly Prezıdent bastamasynyń mańyzy zor. Ondaı kitaptardy arnaıy serııamen, júıeli jáne josparly túrde basyp shyǵarǵan jón.
Qazir balalardyń tili keshteý shyǵatyn boldy. Ondaı keleńsizdikke balalardyń besikten beli shyqpaı jatyp smartfondy paıdalanýy áser eteri anyq. Memleket basshysynyń osy ótkir máselege nazar aýdarǵany – quptarlyq jaıt.
Aldaǵy ýaqytta osy taqyryp boıynsha úlken is-sharalar uıymdastyrylsa, balalardyń kitapqa qyzyǵýshylyǵyn oıatý, bilimdi, tárbıeli urpaq tárbıeleýde kitap, kitaphana, oqyrman arasynda tyǵyz baılanys ornatý úshin aýqymdy jumystar júrgizilse, nur ústine nur bolar edi.
Ulttyq quryltaıda Prezıdent kótergen keleli taqyryptar kópshilikke tereń oı salyp, alda aýqymdy sharalar qolǵa alynyp, ultty ortaq isterge uıytý, jańarǵan elimizdi odan ári órkendetý jolynda irgeli ister atqarylatynyna kózimizdi jetkizdi.
Nurlan QALQA,
balalar aqyny,
Halyqaralyq «Alash» ádebı
syılyǵynyń laýreaty
