Gaz salasyndaǵy zańnamany ózgertýge byltyrǵy qańtar oqıǵasy sebep boldy. Endi kógildir otynnyń qymbattaýy kúrt tyıylady. Sonymen qatar belgili bir baǵamen satyp alynǵan suıytylǵan gazdyń árbir partııasyn resmı ústeme baǵadan artyq satýǵa bolmaıdy. Al turmystyq ballondardy qaýipsizdik maqsatynda arnaıy bólingen oryndarda ǵana toltyrýǵa bolady.
«Janarmaı quıý beketterinde gaz ballonyn toltyrýǵa tyıym salyndy. Gaz ballondarynyń qysymyn tekseretin arnaıy tehnıka bar, onda arnaıy estakadalar bar», dep túsindirdi Energetıka vıse-mınıstri Jandos Nurmaǵanbetov.
Eske salaıyq, turmystyq gaz ballondaryna janarmaı quıý máselesi sonaý 2016 jyly talqylanǵan bolatyn. Energetıka mınıstrligi ákimdikterge turmystyq gaz ballondary men gazben jabdyqtaý júıesi nysandaryn qaýipsiz paıdalaný talaptarynyń saqtalýyna baqylaýdy kúsheıtýdi usyndy.
