Bıýro ókilderi usynǵan statıstıkaǵa qaraǵanda, Qazaqstan halqy tez qartaıyp jatqanyn baıqaýǵa bolady. Dálirek aıtqanda, bir jylda qarttyq ındeksi 1,6 tarmaqqa ósken.
«Qazaqstanda qarttyq ındeksi 2022 jyly 28,2 boldy. Osylaısha bir jylda 1,6% tarmaqqa ósti (26,6 - 2021). Bul 0 men 15 jas aralyǵyndaǵy ár 100 balaǵa 65 jastan asqan 28,2 azamat keletinin bildiredi», dedi vedomstvo sarapshylary.
О́ńirler bólinisinde Shyǵys Qazaqstanda eń joǵary kórsetkish – 56,9. Odan keıingi orynda Soltústik Qazaqstan oblysy – 56,3. Alǵashqy úshtikke Qostanaı oblysy da kirdi – 48,9.
Al eń jas aımaq Mańǵystaý oblysy boldy. Onda keıingi 10 jylda bala týýdyń eń joǵary kórsetkishi belgilendi. Munda ár 100 balaǵa 65 jastan asqan 10,8 azamat keledi. Sonymen qatar qarttyqtyń tómen ındeksi Túrkistan oblysynda – 11,3 jáne Shymkent qalasynda – 11,7 tirkeldi.
Qalalyq jerlerde qartaıý ındeksi aýyldyq jerlerge qaraǵanda joǵary, sáıkesinshe 30,7 jáne 24,5.
