Bul reformanyń negizgi maqsaty - elimizdegi turǵyn úı qatynastary jáne turǵyn úı-kommýnaldy sharýashylyq salalaryndaǵy qoldanystaǵy zańnamany jetildirý.
Máselen, Májilis depýtattary jylý berý maýsymyna daıyndyqty úzilissiz júrgizý úshin, sondaı-aq jyljymaıtyn múlikti basqarýdyń jańa túrlerine kóshýge baılanysty problemalyq máselelerdi eskerip, páter ıeleriniń kooperatıvi, qarapaıym seriktestik jáne t.b. basqarý formalarynyń qyzmetin toqtatý týraly shekteýdi alyp tastaýdy usynǵan edi.
Osy rette byltyr páter ıeleriniń kooperatıvteri men tutyný kooperatıvteriniń basqarýdyń jańa tetigine kóshý ýaqyty 2023 jyldyń shilde aıyna deıin uzartylǵanyn aıta keteıik. Qazir respýblıkadaǵy turǵyn úılerdi basqarýmen aınalysatyn uıymdardyń 97,3%-y tyń tetikke kóship úlgergen.
«Zań aıasynda júrgizilgen tájirıbelik monıtorıng kórsetkendeı, páterlerdiń, turǵyn emes úı-jaılardyń barlyq ıesi menshigindegi jylyjymaıtyn múlikti basqarýǵa asa yntasy joq. Buǵan qosa osyǵan baılanysty jaýapkershilikti de alǵysy kelmeıdi», dedi depýtattar.
О́z kezeginde Indýstrııa jáne ınfraqurylymdyq damý mınıstrligi atalǵan baǵyttaǵy jumysty jalǵastyratyn bolady. Bul oraıda osy jańashyldyq boıynsha negizgi qaǵıdattardy saqtaı otyryp, kondomınıým nysanyn basqarýdyń qazirgi jumys isteý tetikteri qaıta qaralady. Sondaı-aq kóppáterli turǵyn úılerdi basqarý boıynsha kásibı naryq sýbektilerin tartý tetikteri pysyqtalmaq.
Halyqtyń ótinishin eskere otyryp, depýtattardyń bastamasymen múlik ıeleriniń birlestigimen qatar páter ıeleriniń kooperatıvteri de óz qyzmetterin jalǵastyra beredi.
