Qatysýshylar Qosshyǵa qaraı jol boıyndaǵy aınalma velojoldan bastalǵan 25 qashyqtyqty baǵyndyryp, Úrker eldi mekenine barar joldaǵy «Jasyl beldeý» saıabaǵynda márege jetti. Jarysqa velosıpedi bar kez-kelgen jastaǵy áýesqoı sportshy qatysty.
Is-sharanyń ashylýyna Astana qalasy ákiminiń orynbasary Erlan Bekmurzaev, Indýstrııa jáne ınfraqurylymdyq damý vıse-mınıstri Ilııas Ospanov, Syrtqy ister mınıstrliginiń komıtet tóraǵasy Jan Galıev qatysyp, alda kele jatqan merekemen quttyqtady.
Bala kezden sportty serik etken 62 jastaǵy Eleýsiz Pardabaı ekinshi ret osy jarysqa qatysqanyn aıtyp, óz oıymen bólisti.
«Velojarysqa qatysqanda 62 jastaǵy zeınetker ekenimdi umytyp ketemin. Sol sebepti barshańyzdy kúndelikti sportpen aınalysýǵa shaqyramyn. Múmkindikterińiz bolmasa, jaıaý júrýge tyrysyńyzdar. Nátıjesinde densaýlyqtaryńyz myqty bolyp, aýyrmaıtyn bolasyzdar», deıdi ol.
Buqaralyq velosherý aıaqtalǵannan keıin, márede tirkelgen velosıpedshiler arasynda lotoreıa oınatylyp, qatysýshylar baǵaly syılyqtarmen marapattaldy.
Aıta ketsek, bul sharaǵa jaqynda ǵana Fransııada ótken búkilálemdik VIRTUS oıyndarynda velosporttan 4 kúmis júlde alǵan Dastan Ordabaı men 400-den astam qala turǵyny qatysty.
