Qazaqstan tennıs federasııasynyń baspasóz qyzmeti habarlaǵandaı, Elena Rybakına Parıjde ótken Rolan Garros týrnıri kezindegi juqpadan keıin áli tolyq saýyǵyp úlgermegen.
«Shyny kerek, bul aýrý óte aýyr tıdi. Rolan Garrosta oınaýdan bas tartqannan keıin, otelge oralǵanda jaǵdaı tipti qıyndady. Sondyqtan Parıjde birneshe kúnge qalyp, qonaqúı bólmesinen shyqpaýǵa týra keldi. Bir aptadan soń kógaldaǵy kortta jattyǵýdy bastadym, biraq bul vırýs bolǵandyqtan, tez jazylyp ketý qıynǵa soqty. Birte-birte ózime kelip, munda birneshe match ótkizip, Ýımbldonǵa deıin qalpyma kelem be dep oılaımyn. Ýımbldonǵa chempıon retinde kelý ońaı emes. Bári meni favorıt dep jatyr. Sondyqtan ótken jylǵy tájirıbem septesedi dep senemin. Ýımbldonǵa deıin áli bir apta bar. Eń bastysy, jaqsy kóńil-kúımen tabysty óner kórsetkim keledi», dedi Elena Rybakına.
Istbýrn jarysynyń birinshi raketkasy bolyp tirkelgen Rybakına reıtıngide 73-orynda turǵan Qytaı tennısshisi Sııýı Vanmen kezdesýi kerek edi.
