Kolızeıdegi kúmbirlegen kúı

Ulttyq jáne álemdik tanymal klas­­­sıkalyq jaýhar shyǵarmalardy, qazaqtyń án-kúı ónerin álem halyq­taryna nasıhattap júrgen ǵasyrǵa jýyq tarıhy bar orkestr Italııa je­rine josparlaǵan «Kóshpeliler áýe­ni» atty gastroldik saparyn aıaqtady. Gastroldik konsert Eýropanyń má­denı-tarıhı ortalyǵynyń Rım, Nea­pol qalalarynda anshlagpen ótti. Rım qalasyndaǵy áıgili San­ta-Chıchılııa Memlekettik mýzy­kalyq konservatorııasynda jáne Neapol qalasyn­daǵy «Teatro Diana» ǵıma­ratyna jıyl­ǵan qalyń jurtshylyq, ıtalııalyq talǵampaz kórermen, óner­súıer qa­ýym qazaq mýzykasy men ulttyq as­pap­tardyń sazdy únine tamsanyp, tań­danystaryn jetkizdi.

Konsertten bólek Qurmanǵazy orkestri álemniń jańa jeti keremeti­niń qataryna kiretin, Italııadaǵy eń iri Kolızeı munarasynyń aldynda jergilikti turǵyndarǵa qa­zaq­tyń kúılerinen jınaqtalǵan shaǵyn kon­serttik baǵdarlamasyn usyn­dy. Italııa kógin ánmen áýele­tip, kúı­men terbegen Ulttyq orkestr Máde­nıet jáne sport mınıstrligi­­ne, Qazaq­stannyń Italııadaǵy elshi­ligi­ne, Nea­pol qalasyndaǵy Qazaqstan kon­sýl­dyǵyna, Santa-Chechılııa Mem­le­kettik mýzykalyq kon­serva­torııa­synyń ujy­myna alǵysyn bildirdi.

Qurmanǵazy atyndaǵy Qazaq ulttyq halyq aspaptar orkestriniń qazaq mádenıetin, tól mýzykasyn álemge tanytýdaǵy eren eńbegin elimiz maqtan etedi.