Kollajdy jasaǵan Qonysbaı ShEJIMBAI, «EQ»
Osydan bir aı buryn mınıstr jeńildetilgen avtonesıe baǵdarlamasynyń jańa sharttarynyń qaıta qarastyrylatynyn málimdedi.
«Bul (ózgerister – red.) birinshi kezekte baǵdarlamany jetildirý qajettiligimen baılanysty. О́zderińiz jaqsy bilesizder, qazir Ulttyq banktiń bazalyq stavkasy – 16 paıyz. Ondaı kezde 4 paıyzben nesıe berý – óte jaqsy mólsherleme. Sondyqtan bul paıyzdyq baǵdarlamany tabysty joba dep aıtýǵa bolady jáne biz baǵdarlamany jetildirgimiz keledi. Sonyń ishinde talaptardyń biri – alǵashqy jarna jaǵdaıy», degen bolatyn Qarabaev.
О́zgeris boıynsha shekti jalaqy mólsheri bekitilip, belgilengen somadan artyq jalaqy alatyndar baǵdarlamaǵa qatystyrylmaıtynyn aıtqan.
«Biz qarastyryp, jańa sharttardy 15 mamyrǵa deıin aıtamyz. Baǵdarlama kelesi joly iske qosylǵanda barlyq jetildirilgen tetikter jumys isteıdi. Usynyp otyrǵan mehanızmder ádiletti dep oılaımyz. Naqty usynystar bolsa, talqylaýǵa daıynbyz», dep túıindegen.
Maýsymnyń basynda Indýstrııa jáne ınfraqurylymdyq damý mınıstrliginiń jeńildetilgen avtonesıe baǵdarlamasyna ótinim qabyldaıtyn autonesie.kz saıtyn paıdalanýdan bas tartatyny habarlandy.
Al Premer-mınıstrdiń orynbasary Roman Sklıar jaqyn arada mınıstrlik pen «Báıterek» birlesip ortaq sheshim qabyldaıdy dep sendirgen.
«Avtonesıe máselesi ózekti bolyp tur. Alǵysy keletinder óte kóp. Aı saıyn olar revolverlik negizde 400 nesıe ǵana bere alady. Suranys ótelmeıdi. Sol sebepti mınıstrlik pen «Báıterek» holdıngi bul másele boıynsha birlesip sheshim qabyldamaq. Ol týraly jaqynda habarlaıdy», degen edi R.Sklıar Májilis kýlýarynda.
TENGENOMIKA sarapshylarynyń aıtýynsha, baǵdarlama sıpatynyń ózgerýi durys sheshim boldy.
«Biz bul sheshimdi tolyqtaı qoldaımyz. Bul bir jaǵynan kóptegen azamattar paıdalanatyn qoǵamdyq kólikterdiń jumys isteýine jaǵdaı jasaıdy. Ekinshi jaǵynan, Indýstrııa jáne ınfraqurylymdyq damý mınıstrligi osy qadam arqyly jeńil avtomobıl naryǵyndaǵy alypsatarlyq pen dúrbeleńdi toqtatty. Ekonomıkada mundaı jeńildikti baǵdarlamalardyń bolýy qarjylyq repressııa týdyratynyn (qaryz alýdyń naryqtyq mólsherlemelerin elemeıdi), aqyr sońynda naryqtaǵy baǵanyń alypsatarlyq ósýine ákeletinin birneshe ret jazǵanbyz. Mundaı jaǵdaı baspana naryǵynda boldy jáne áli bolyp ta jatyr. Úkimet osy sheshimi arqyly jeke kólikterge qaraǵanda qoǵamdyq kólikterge basymdyq beretinin ańǵartty. О́ıtkeni bul – qoǵam ıgiligi úshin qısyndy ári oń sheshim. Damyǵan elderdiń tájirıbesi kórsetip otyrǵandaı, qoǵamdyq transport júıesin árdaıym jetildirý, jańartý qoǵamnyń ekonomıkalyq ál-aýqatynyń túzelýine oń yqpalyn tıgizedi», deıdi sarapshylar.
«Aq jol» partııasynyń ókilderi jeńildetilgen avtonesıe baǵdarlamasy jalǵasyn tabýǵa tıis dep sanaıdy.
«Bıznes deregi boıynsha qazirgi operator zaýyttyń toqtaýy men tekseristi syltaý etip, óndirýshilerden túsken qarjyny tórt aı ishinde úlestirmegen. Bul rette ýtılalymnan túsken aqsha qaıda ketip jatyr degen saýal týyndaıdy. Mınıstrlik bolsa 4 paıyzdyq jeńildetilgen avtonesıeni qarjylandyrýdy toqtatatynyn málimdedi. Ýtılalym júıesi óndiristi qamtamasyz etý jáne otandastarymyzdyń kólikke qoljetimdiligin arttyrý úshin jasalmap pa edi? Sheneýnikter bul jaǵyn umytyp ketken sııaqty», deıdi depýtat Erjan Beısenbaev.
Onyń sózinshe, ýtılızasııany júzege asyratyn «Recycling Company» zaýyty ROP operatoryna qatysty qylmystyq is aıasynda ekinshi jyl qatarynan jumys istemeı tur. Alaıda ýtılızasııanyń júzege aspaı turǵanyna qaramastan «Jasyl damý» AQ azamattar men bıznesten ýtılalym alýdy jalǵastyrǵan.
Aıta keteıik, jeńildetilgen avtonesıe baǵdarlamasy aıasynda el azamattary 10 mln teńgege deıingi somada, alǵashqy jarnasyz túrli markadaǵy kólikterdi rásimdeý múmkindigine ıe bolǵan edi. Usynylǵan kólikter – Kia Picanto, Chevrolet Spark, Nexia, Cobalt, Hyundai Elantra, Accent jáne basqalar.
