Quramynda Májilis depýtattary men memlekettik organ ókilderi kiretin komıssııa sheshimi boıynsha osy jyly jeńimpazdar jeti atalym boıynsha saıysqa tústi. Bıyl parlamenttik syılyq segizinshi ret tapsyrylyp otyr.
Májilis tóraǵasy Erlan Qoshanov «Parlament sózi» syılyǵynyń jeńimpazdary men barsha buqaralyq aqparat quraldary ókilderin kásibı merekemen quttyqtady.
«Jýrnalıster kúni tek sizderdiń ǵana merekelerińiz emes, bul – kúlli qoǵamnyń merekesi. Sebebi qoǵamdy sizdersiz, BAQ ókilderinsiz elestetý múmkin emes. Bizdiń jumysty nasıhattap, elge zańdardyń mánin túsindiretin de sizder. Sol úshin shynaıy rızashylyǵymdy bildiremin. Barshańyzǵa zor densaýlyq, baq-bereke jáne shyǵarmashylyq tabys tileımin», dedi Palata spıkeri.
Caltanatty jıynda «Parlamenttik jýrnalıstıkany damytýǵa qosqan úlesi úshin» atalymynda «Zań» gazetinen Aısha Turmaǵanbetova, «Jetinshi arna» telearnasynan Aıbek Qobdabaı jeńiske jetti. «Úzdik baspa jarııalanymy úshin» atalymyn «Lıter» gazetinen Jannat Oıshybaeva, «Novoe pokolenıe» gazetinen Olga Shıshanova ıelendi. «Úzdik televızııalyq sıýjet úshin» atalymy «Qazaqstan» ulttyq arnasynan Daryn Saǵıtov, «Jibek Joly» telearnasynan Ánýar Karbozov, «Atameken Business» telearnasynan Farıza Bolatbekqyzyna tabystaldy.
Al «Úzdik beınesýret materıaly úshin» atalymyn «Kýrsıv» gazetinen Asqar Ahmetýllın, «31 arna» telearnasynan Nurken Toqmýrzın ıelendi. «Úzdik ınternet jáne radıo materıaly úshin» atalymyn «Qazaqparat» halyqaralyq aqparattyq agenttiginen Rýslan Ǵapbasov, «Qazaq radıosynan» Janbolat Shákim, «Zakon.kz» saıtynan Oksana Daırova aldy. «Arnaıy reportaj» atalymy boıynsha «Májilis Live» baǵdarlamasynan Jadyra Medetbekova, «Suraýy bar» YouTube arnasynan Erbol Seıilhan, «Ulysmedia.kz» aqparattyq agenttiginen Aıan О́ribaev marapattaldy. Sondaı-aq «Parlament sózi» arnaıy syılyǵy atalymy «Astana» telearnasy men «Qazcontent» aksıonerlik qoǵamynyń ujymyna tabystaldy.
