«Monopolıstterdiń sharty boıynsha kásipkerler gazdyń paıdalanylmaǵan kólemi úshin gaz qunynyń 10 paıyzyn zańsyz tólep kelgen. Ústem jáne monopolııalyq jaǵdaıyn teris paıdalanǵany úshin «QazTransGaz Aımaq» AQ fılıaly Ákimshilik quqyq buzý týraly kodeksiniń 159-baby 3-1-bóligi boıynsha jaýapqa tartylyp, oǵan 497,1 mln teńge kóleminde aıyppul salyndy», dep habarlady Almaty qalasy prokýratýrasynyń baspasóz qyzmeti.
Sonymen qatar 2022 jyly tabıǵı monopolııa sýbektisi, kórsetetin qyzmetter kóleminiń ósýine qaramastan kompanııa 2023 jylǵa arnalǵan tarıfti tómendetken joq (kórsetilgen qyzmetterdiń kóleminiń ulǵaıýyna baılanysty tarıf qaıta qaralýy tıis).
«Osyǵan oraı, Tabıǵı monopolııalardy retteý departamentiniń qadaǵalaý aktisimen osy jyldyń 1 sáýirinen bastap taýarlyq gazdy tasymaldaý tarıfin 6 paıyzǵa, 1000 m3 úshin 4 099,25 teńgeden 1000 m3 3 848,03 teńgege deıin tómendetý týraly buıryq shyǵaryldy», dep habarlady vedomstvo.
Qabyldanǵan sharalar Almaty qalasynda 450 000 tutynýshynyń, onyń ishinde 8 800 kásipkerdiń quqyǵyn qorǵady.
