Bıyl joǵary oqý oryndarynda oqý úshin 88 myń grant bólingen: bakalavrıatqa – 73 myńǵa jýyq, magıstratýraǵa – 13 myńnan astam, doktorantýraǵa – 1800-den astam.
Sondaı-aq «Serpin» baǵdarlamasy arqyly túsýshilerge 3 653 grant bólingen. «Serpin» jobasy arqyly 4 baǵyt boıynsha bilim alýǵa bolady: pedagogıka ǵylymdary, ınjenerlik-tehnıkalyq, aqparattyq tehnologııalar, aýyl sharýashylyǵy.
Baǵdarlamaǵa ońtústik óńirdegi aýyl jastary qatysady. Aıta ketsek, oqý bitirgen soń grant óteý merzimi 3 jyldan 2 jylǵa qysqartyldy.
Sondaı-aq buryn mamandar ózi oqyǵan aımaqta ǵana grantty jumyspen óteıtin bolsa, endi 11 aımaqta qyzmet ete alady.
«Memleket basshysynyń tapsyrmasy boıynsha barlyq granttyń 60% tehnıkalyq mamandyqtarǵa bólindi. Sonymen qatar bıyl halyq tyǵyz qonystanǵan batys jáne jańadan qurylǵan óńirlerdiń jastary úshin granttar bólindi. Talapkerler berilgen aqparat negizinde durys tańdaý jasaıdy dep senemin», dep atap ótti Ǵylym jáne joǵary bilim vıse-mınıstri Qýanysh Erǵalıev.
