Qazaqstan aýyr atletıka federasııasynan málimdemesinde, elimizdiń eńbek sińirgen sport sheberi, halyqaralyq dárejedegi sport sheberi, Qazaqstannyń birneshe dúrkin chempıony jáne rekordshysy Vladımır Sedov bala jasynan sportqa adal boldy.
2008 jylǵy olımpıadada 84 kelige deıingi salmaqta Vladımır Sedov tórtinshi orynǵa ıe boldy.
Sonymen qatar jetistikteri úshin «Qurmet» ordenimen marapattaldy.
«QR aýyr atletıka federasııasynyń ujymy Vladımırdiń otbasy men týǵan-týystaryna qaıǵyra kóńil aıtady. Joldasymyzdyń qazasyna baılanysty qaıǵyǵa ortaqpyz. Qazaqstan aýyr atletıka federasııasy Vladımır Sedovtyń otbasyna 5 mln teńge kóleminde kómek beredi, sondaı-aq ulyn tárbıeleýge qajetti qoldaý kórsetedi.
Sońǵy jyldardaǵy qaıǵyly oqıǵalar sportshylardyń úlken sportpen qosh aıtysqannan keıin qıyndyqtarǵa tap bolatynyn kórsetedi. Federasııa sport ardagerlerin qoldaý baǵdarlamasyn jasap, jurtshylyqqa usynatyn bolady. Sonyń aıasynda kómekke muqtaj aýyr atletterge qoldaý kórsetiledi. Atletter men bapkerlerdi qoldaý úshin federasııa bıyl tartylǵan demeýshilik qarjy esebinen 10 mln teńge bóletin bolady», delingen habarlamada.
Eske sala keteıik, aýyr atletıkadan tórt dúrkin el chempıony Vladımır Sedov 27 maýsym kúni 35 jasynda ómirden ótti.
