Platınaly dıskini mýzeıge tapsyrdy

Bul jańalyqty Potanın atyn­daǵy Tarıhı-ólketaný mý­zeıi áleýmettik jelidegi pa­raq­sha­synda habarlady. «Qazaq­stan­dyq dıdjeı ári saýnd-prodıýser Imanbek Zeıkenov 2021 jyly alǵan platınaly dıskini mýzeıge syılap, eksponattar qoryn tolyqtyra tús­ti. Jaqyn kúnderi bul erekshe eksponatty bizdiń ekspozısııalarymyzdan kóre alasyzdar» delingen aqparatta. Mýzeıdiń bas qor saqtaýshysy Álııa Jomartovanyń aıtýynsha, búginde atalǵan mekemeniń qorynda 143 myńnan astam já­diger bar. Mádenı uıymǵa qa­rasty Maıra Shamsýtdınova atyn­daǵy án-óner mýzeı-úıinde kó­bine saz ónerine qatysty eks­po­nattar toptastyrylǵan.

Aıtyp óteıik, platınaly dıs­kini Imanbek sheteldik tanymal ánshi-sazgerler Rita Ora jáne David Guetta-men birge óńdegen «Big» kompozısııasy úshin alǵan. Bul trekte bı mýzykasy, elektro-pop, hıp-hop jáne haýs yrǵaqtary bar. Kezinde mýzyka synshylary áýen­de kez­desetin dybystar men vo­kalǵa erekshe mán bergen. Bul týyn­dy Bolgarııadaǵy mýzyka­lyq chart­tarda jetinshi oryndy ıelense, Germanııa, Majarstan, Ir­lan­dııa, Lıtva, Shveısarııa, Uly­brı­tanııa elderinde tyńdarman ta­ra­pynan joǵary baǵalandy. Bill­board Dance/Electronic Songs reı­tınginde 11-orynmen túıin­deldi.

PAVLODAR