Ulttyq neırohırýrgııa áleýeti

Kongrestiń ashylý saltanatyn­da Premer-mınıstrdiń orynbasary – Eńbek jáne halyq­ty áleýmettik qorǵaý mınıstri Tamara Dúısenova, Densaýlyq saqtaý mınıstri Ajar Ǵınııat, Parlament depýtattary jáne ǵylymı-zertteý ınstıtýttary men medısınalyq ortalyqtardyń birinshi basshylary qatysyp, neı­rohırýrgııa ortalyǵynyń 15 jyldyq belesimen quttyqtady. Ataýly is-sharaǵa uzyn-sany 250-den astam adam qatyssa, onyń ishinde eldiń túkpir-túkpirinen 150-den astam neırohırýrg kelgen. Saltanatty jıynda Tamara Dúısenova Memleket basshysy Qasym-Jomart Toqaevtyń Ulttyq neırohırýrgııa ortalyǵynyń 15 jyldyǵyna arnalǵan quttyqta­ýyn oqyp berdi. Habarlamada Pre­zıdent ortalyqtyń je­mis­ti bastamalaryna az-kem toq­ta­lyp, Serik Aqsholaqov bas­ta­ǵan Neırohırýrgııa ǵylymı orta­ly­ǵynyń ujymyna ǵylym men medısına salasynda jetistikterge jete berýine tilektestik bildirgen.

Osydan soń Densaýlyq saqtaý mınıstri Ajar Ǵınııat medısı­nada aýrý-syrqaýdyń aldyn alý, ıaǵnı naýqastardyń dertin erte satyda anyqtaý sharalaryna ba­symdyq beriletinin aıtty.

– Kongreste elge alys-jaqyn shetelderden kelip emdelip jat­qan pasıentterdiń baryn estidińiz­der. Bul – Ulttyq neırohırýr­gııa ortalyǵynyń áleýeti joǵary ekenin bildiredi. Biz, birinshi kezekte jańa tehnologııalarǵa kó­ńil aýdarýdamyz. Qazir aýdan ortalyqtarynda, jańa­dan qosylǵan oblystarda neı­ro­hırýrgııanyń deńgeıin kó­te­rý jaıy ózekti. Sonymen qa­tar reabılıtasııalyq kómekti da­mytýǵa basymdyq berip otyrmyz. Kadrlardy shetelde oqytýǵa kóńil bólip, sheteldiń eń úzdik degen mamandaryn meılinshe elge shaqyr­ýǵa tyrysamyz. Osylaısha, maman­dar biliktiligin arttyrady. Salada bilimdi de, bilikti neırohırýrgter barshylyq. Qazir el boıynsha 71 ınsýlttik ortalyq bar. Osy eki jylda 32 aýdannyń ortalyǵynda ınsýlt ortalyǵy ashyldy. Onda neırohırýrgtermen qosa KT, MRT apparattaryn biletin mamandar bolady. Bizdiń basty maqsatymyz – aýrýlardy barynsha erte satyda anyqtap, medısınalyq kó­mekti meılinshe jedel kórsetý. Son­dyq­tan dıagnostıkaǵa eń ozyq apparattardy alamyz, deıdi A. Ǵınııat.

Kongreste ortalyqtyń basshysy, elimizdiń bas neırohırýrgi,  UǴA akademıgi Serik Aqsho­laqov Ulttyq neırohırýrgııa orta­ly­ǵynyń 15 jyldaǵy belesi jaıyn­da baıandap, saladaǵy túıindi má­selelerdi aınalyp ótpedi.

«15 jyl ishinde elde alǵash ret neırohırýrgııanyń jańa ba­ǵyt­tary engizildi. Jalpy alǵan­da 70 ınnovasııalyq tehnologııa­ǵa jol ashtyq. Osy jyldar ishinde 40 myń­nan astam operasııa júr­gizildi, onyń ishinde III-V kúrde­lilik sanaty 90%-dy quraıdy. Bu­ryn Ortalyq ashylǵanǵa de­ıin neırohırýrgııalyq patologııasy bar pasıentterge shamamen 80% elde joǵary tehnologııa­lyq em kórsetilmegen. Sońǵy 15 jylda óńirlerge 64 tehnologııa transferti júzege asyryldy. Sonyń arqasynda kóptegen oblysta joǵary tehnologııa­lyq medısınalyq kómek kórsetile­di. Búginde joǵary tehnologııa­lyq neırohırýrgııalyq emdeý barsha azamatqa qoljetimdi jáne onyń barlyǵy ortalyqta sátti qoldanylýda. Búginde elimiz­diń neırohırýrgııalyq qyzmeti Ulttyq neırohırýrgııa ortalyǵy men 39 oblystyq jáne qalalyq aýrýhanalardyń bazasynda orna­lasqan 51 neırohırýrgııalyq bó­limsheden turady. Degenmen áli de bolsa, salada ózekti máseleler bar. Bul neırohırýrgtermen, aımaqtardaǵy neırohırýrgııa­lyq tósektermen qamtamasyz etý­diń birkelki emestigi jáne ja­raqtandyrý problemalary. Bala­lardyń neırohırýrgııalyq tó­sekteriniń sany az, keıbir aımaq­tarda múldem joq. Osy máse­le­­niń barlyǵyn biz erteńgi otyrysta mindetti túrde talqylaımyz, min­detterdi belgileımiz jáne el neı­­rohırýrgııasyn odan ári jaq­­sartý jáne damytý boıynsha perspektıvalyq josparlar qura­myz», deıdi S.Aqsholaqov.

Kongrestiń ekinshi kúninde salanyń tájirıbeli mamandary, professorlar neırohırýrgııadaǵy neıroonkologııa, julyn, tamyr, balalar neırohırýrgııasy, kishi ınvazııalyq neırohırýrgııa jáne neıroońaltý baǵytyndaǵy ózekti máselelerdi talqylady.