Ulttyq dombyra kúni - 2018 jyldan beri shildeniń alǵashqy jeksenbisi qazaqtyń tól aspbynyń kúni retine toılanyp keledi.
Dombyra jer betinde keńinen taraǵan shertpeli aspaptardyń qataryna kiredi. О́nertanýshylar men tarıhshylar mundaı aspaptar ǵylymda H ǵasyrdan bastap belgili dep tujyrymdaıdy. Alaıda 2010 jyly otandyq BAQ tarıhy bizdiń zamanymyzdyń V ǵasyrynan bastalatyn «ata dombyra» tabylǵanyn aıtyp súıinshi suraǵan edi.
1500 jyl buryn qoldanysta bolǵan kóne aspap Altaı taýynyń Mońǵolııa jaǵyndaǵy Úńgirtas degen úńgirden tabylǵan. Áýeli malshynyń qolyna túsken aspap arheologtardyń qyzyǵýshylyǵyn oıatyp, 2008 jyly memleket qamqorlyǵyna alynady. Bul ǵylymı jańalyqqa qazaq ǵalymdarynyń arasynan tanymal túrkolog, fılologııa ǵylymdarynyń doktory Qarjaýbaı Sartqojauly nazar aýdaryp, aspaptyń dombyranyń arǵy «atasy» ekenin dáleldep shyǵady. Osylaısha shertpe aspaptardyń tarıhy bizdiń zamanymyzdyń V ǵasyrynan bastaý alatyny belgili boldy.
Birneshe aılarǵa sozylǵan kelissózderden keıin ǵana Mońǵolııa tarapy dombyranyń kóshirmesin alýǵa ruqsat berip, keıin sol kóshirme negizinde jasalǵan kóne dombyranyń nusqasy mýzeıge qoıyldy.
Búgingi ataýly kúnge oraı Memleket basshysy Qasym-Jomart Toqaev Twitter paraqshasynda quttyqtaý jarııalaǵan edi.
