«Qazgıdromet» mamandary habarlaǵandaı, elimizdiń basym bóliginde naızaǵaı oınap, jańbyr jaýady.
«Atmosferalyq frontaldy bólikterdiń ótýine baılanysty elimizdiń basym bóliginde naızaǵaı oınap, jańbyr jaýady. Soltústik-batysta nóser bolady dep boljanady. Respýblıkamyzdyń batysynda, ońtústik-batysynda, shyǵysynda, soltústik-shyǵysynda negizinen jaýyn-shashynsyz aýa raıy bolady dep kútiledi. Respýblıka boıynsha jel ekpini kúsheıip, ońtústik óńirde shańdy daýyl turady, kúndiz soltústik-batys óńirde burshaq túsedi, jel soǵady, túnde jáne tańerteń soltústik, ońtústik-batys óńirde tuman bolady», delingen habarlamada.
Almaty, Atyraý, Pavlodar, Soltústik Qazaqstan, Aqmola jáne Jetisý oblystarynyń basym bóliginde, Qaraǵandy, Ulytaý oblystarynyń ońtústiginde aptap ystyq bolady dep kútiledi.
Túrkistan, Mańǵystaý, Jambyl, Aqtóbe, Qaraǵandy, Qostanaı, Almaty, Jetisý jáne Ulytaý oblystarynyń ońtústiginde, Qyzylorda oblysynyń batysynda, Atyraý óńiriniń batysynda, Pavlodar oblysynyń soltústiginde tótenshe órt qaýpi joǵary bolatyny eskertiledi.
Qyzylorda oblysynyń ortalyǵynda, Batys Qazaqstan oblysynyń batysynda, Abaı oblysynyń soltústik-batysynda, ońtústiginde, Almaty, Soltústik Qazaqstan oblystarynyń basym bóliginde jáne Jetisý oblysynda órt qaýpi joǵary bolady dep kútiledi.
