Jastardyń jumyspen qamtylýyna nazar aýdaryldy

О́ziniń sózinde E.Kochetov memlekettiń jastar saıasatyna toqtaldy. Bos júrgen jastardyń jumysqa ornalasý, ásirese NEET kategorııa­syna jatatyn jastardyń qamqorlyqsyz qalmaý máse­­lesine nazar aýdardy. «Sol­tústik Qazaqstan oblysy maý­symdyq jumystar kezinde jumys qolyna zárý bolatynyn bilemiz. Ásirese, osyndaı kezderde jumyssyz jastardy eńbekpen qamtamasyz etý kerek», dedi ol.

Jastar elimizdiń bolashaǵy, olardy Otanymyzdyń barlyq salasynyń damýyna atsalysýyn uıymdastyrý jastar uıymdarynyń, jergilikti bıliktiń jastar isi jónindegi bólimderiniń kúndelikti min­deti bolýy kerek degen ol Sol­tústik Qazaqstandaǵy vo­lon­terlik qozǵalystyń damýyn qanaǵatpen atap ótti. «Búgingi tańda oblysta 30 myń­ǵa tarta jas azamat osy qozǵalysqa belsene qatysady. Bul halyq sanaǵyna shaqqanda respýblıkadaǵy aldyńǵy qa­tarlardyń biri. Bul ju­mysty odan ári jandandyra berý kerek», dedi vıse-mınıstr.

Budan keıin E.Kochetov jı­nalǵandardyń suraqtaryna jaýap berdi. Sonyń ishinde Kásipkerler palatasynyń ja­­nyndaǵy Isker áıelder ke­ńesiniń múshesi Gúlmıra Jyl­qybaeva otbasylaryn qol­daý ortalyqtarynyń ju­mysyn jandandyrý má­selesine nazar aýdardy. «Osy ortalyqtardyń jumy­sy qanshalyqty tıimdi? Biz­diń elimizde otbasylyq zor­lyqtar, juptardyń aıyrylysýy kúnnen-kúnge artyp kele jatqanyn kórip otyrmyz. Demek ortalyqtyń ju­mysy kórinbeı otyrǵan sııaqty», dedi ol. Oǵan E.Ko­chetov «BUU-Áıelder» degen halyqaralyq uıym bar ekenin aıtyp, osy uıymnyń kómegimen qazir túrli ortalyqtardyń jumysyn je­tildirý boıynsha jumystar júrgiziletinin jetkizdi. Qazir Qazaqstanda otbasyn qoldaý boıynsha 68 ortalyq bar eken, al 2025 jyly onyń sanyn 143 jetkizý josparlanypty.

Aqparat jáne qoǵamdyq damý vıse-mınıstri E.Kochetov Petropavl qala­synyń irge­sindegi Aqqaıyń aýda­ny­nyń ortalyǵy Smır­novo aýy­lynda da bolyp, onda res­pýblıkalyq «Tulga bol» jár­meńkesiniń jumysymen ta­nysty. Sonymen birge ol jer­gilikti basshylar jáne ma­mandarmen suhbat quryp, osy aýdannyń jas kadrlardy, jumyssyz jastardy jumys­pen qamtý áleýetin anyqtady. Aýdan ákimi Rústem Elýbaev: «bizdiń aýdanda jańadan 4 taýarly-sút fermasy ashyldy, jylyna 5 myń tonna qus etin daıyndaı alatyn qus fabrıkasyn ashtyq, osy ká­siporyndarda jańadan 200-den artyq jumys oryndary ashyldy. Sondyqtan biz jastardyń, sonyń ishinde ma­man­dardyń jumysqa turýy­na jaǵdaı jasap otyr­myz. Jumys isteımin dep kelgen jas­tarǵa áleýmettik jaǵdaı­lardy da qarastyrdyq», dedi.

Soltústik Qazaqstan oblysy