Aqparatty «Amanat» partııasy Qaraǵandy oblystyq fılıalynyń baspasóz qyzmeti rastady.
Oqıǵa 2 shilde kúni Qaraǵandy oblysynyń Buqar jyraý aýdanyndaǵy Botaqara-Doskeı tas jolynda boldy.
«Nissan kóliginiń júrgizýshisi tizginge ıe bola almaı qaldy. Kólikte «Amanat» partııasy Buqar jyraý aýdandyq fılıalynyń tóraǵasy boldy, al tizginde oblystyq máslıhattyń depýtaty Anara Bozaeva bolǵan. Bul aqparatty ózi rastady», dep habarlaıdy partııanyń oblystyq fılıaly.
Anara Bozaevanyń kólik júrgizý tájirıbesi mol ekeni aıtyldy.
«Aıta keteıik, ol qazir eńbek demalysynda. Qaraǵandy oblysynyń polısııa departamenti jol-kólik oqıǵasy boıynsha tergeý amaldaryn júrgizip jatyr, nátıjesinde barlyq kináliler zańda belgilengen tártippen jazalanady», dep habarlady partııanyń oblystyq fılıaly.
Aıta keteıik, júrgizýshi joldan ótip bara jatqan maldy qaǵyp ketken. Keıin rýldi basqara almaı qalǵan áıel 8 jáne 16 jastaǵy kámeletke tolmaǵan eki bala mingen motosıklmen soqtyǵysqan.
«Oqıǵa saldarynan jasóspirimder ártúrli aýyrlyqtaǵy dene jaraqatyn alyp, medısınalyq mekemege jatqyzyldy. Atalǵan fakti polısııa bólimshesinde tirkeldi. Tıisti saraptamalar taǵaıyndaldy. Tolyq jáne obektıvti sotqa deıingi tergep-tekserý amaldary júrgizilip jatyr», dep habarlady Qaraǵandy oblysynyń polısııa departamentinen.
