Jalpy quny 1,2 mıllıard teńgeni quraıtyn demalys ortalyǵy 1,9 gektar aýmaqty alyp jatyr. Munda bir mezette 2000 adam demalatyn múmkindik bar. Demalys aımaǵyndaǵy tolqyndy basseınder men túrli átkenshek burynǵy «Zerbulaqtyń» ajaryn asha túsken.
«South Holiday» JShS-nyń bas dırektory ári keshen basshysy Aıbek Orshybekovtiń aıtýynsha, demalys aımaǵyna kúnine 4 000 adam keledi dep josparlanǵan. Al Tarazǵa taban tiregen meımandar bıletti «ZER» mobıldi qosymshasy arqyly da ala alady. Bıletter úlkenderge bes myń teńgeden saýdalansa, 2-13 jas aralyǵyndaǵy balalarǵa tórt myń teńge.
«Týǵan jerdi túletý – árbirimizdiń paryzymyz. Sondyqtan da ınvestısııa quıyp, «Zerbulaq» akvaparkin ashtyq. Bul – úsh ınvestordyń týǵan jerge degen syıy. Tolqyn terbelisi bar, syrǵanaýǵa arnalǵan jáne drenajdy basseınder qoıdyq. Jıyrma shaqty adam jumyspen qamtylyp otyr. Ara-tura jetim jáne múmkindigi shekteýli balalarǵa, kópbalaly otbasylarǵa jeńildik qarastyryp turamyz», deıdi A.Orshybekov.
Taraz
