«Aıalaǵan Astananyń» tartýy

«Aıalaǵan Astana» shyǵarmashy­lyq baıqaýy daryndy balalardyń bir shoǵyryn qalyptastyryp úlger­di. О́ıtkeni jas jetkinshekter baı­qaýda sahna óneriniń naǵyz maı­tal­mandarynan tálim alyp, qaı baǵytta án shyrqaýǵa áleýetti eke­nin bildi. Negizi, respýblıkalyq balalar baıqaýy 2 kezeńnen turady. Áýeli balaýsa ánshiler aımaqtardan iriktelip, keıin aqtyq kezeńge joldama alady. Baıqaýda 8 ben 12 jas aralyǵyndaǵy balalar estradalyq-vokaldyq janrda óner kórsetip, baq synaıdy.

Baıqaýdyń tusaýy 2013 jy­ly kesilse, sodan berige deıin 9 már­te úzdikter­di anyqtady. Joba­ǵa qatysyp, baq synaǵan ta­lant­ty jas ánshilerdiń aldy búgin­de ha­lyqaralyq festıval­der­de óner kórsetip, kóptiń qoshemetine bólengen. Bir sózben aıtqanda, «Aıalaǵan Astana» balǵyndardyń halyqaralyq án baıqaýlarynda óner kórsetýine jol ashty. Jeńim­pazdar kóshin 2013 jyly Bolat Batyrbaev bastasa, keıin Muhamedálı Júgi­nisov, Danelııa Tóle­shova, Janel Sádýaqas, Ámına Japar, Balnur Hızırova, Arýjan Ardaq, Aıǵanym Amantaı syndy úzdikter jal­ǵady. Baıqaýdyń shyǵarmashylyq sheberhanasyn kórgen ózge de qatysý­shylar balaýsa shaǵynan elge tanylyp úlgerdi. 

Gala-konserttiń qoıýshy rejıs­seri Saıan Myrza elorda kúnine arnalǵan konsertke daıyndyq barysynda basqa baıqaýdyń laýrettaryn shaqyrýǵa nıet­tengenin aıtty.

– Bıyl mýzykalyq televızııalyq baıqaýǵa – 10 jyl. Biz osy gala-kon­sertte ár jyldardaǵy qatysý­shy­lardy, onyń ishinde jeńimpazdardy jınaýǵa tyrystyq. Búgingi konsertte Erjan Maqsum óner kórsetti, biraq ol konkýrstyń qatysýshysy emes. Qatysýshylardyń arasynda ánshi Sadraddın de bar. Bıyl da elimizdiń túkpir-túkpirindegi jas talanttardy jınap, elordaǵa shaqyrdyq. Mine, Elorda kúninde talantty jastarymyz qala turǵyndary men qonaqtaryna áýeletip án shyrqady, deıdi S.Myrza.

Merekelik konsertte «Aıalaǵan As­tana» baıqaýynyń jeńimpaz, júl­degerleri án shyrqaǵanyn aıt­tyq. Olardyń qaı-qaı­sysy da biri­nen-biri qalyspaıtyn órender. О́ıtkeni baıqaýǵa qatysqan bal­ǵyn­dar shoý bıznestiń tanymal mamandarymen jumys istedi. Halyqaralyq baı­qaýlarda top jardy. Aıta ke­teıik, bul joba on jyldyń ishinde kóp­tegen baldyrǵannyń baǵyn ashyp, úlken sahnaǵa shyǵýyna múm­­kindik syılady. Ashyq aspan as­tyn­da uıymdastyrylǵan gala-kon­sertte jas ánshiler «Aıalaǵan As­ta­na» baıqaýyna teginnen-tegin qatys­paǵanyn taǵy bir márte deleldedi.