Tanymal kúıshilerdiń dombyrasy

Mýzeı dırektory Muhan­betqalı Kıpıevtiń aıtýynsha, qorda qazaqtyń kúı ónerin keıin­gi urpaqqa jetkizýge úles qosqan kom­pozıtorlar men kúıshilerdiń dombyrasy bar. Byltyrdan beri qos ishekti aspaptyń qataryna birneshe dombyra qosylǵan.

Máselen, memleket jáne qoǵam qaıratkeri, ulttyq ónerdiń janashyry Imanǵalı Tasmaǵambetov úsh dombyra tapsyrypty. Onyń birinshisi – kúıshi, kompozıtor, Qazaqstannyń eńbek sińirgen ár­tisi Seken Turysbekovtiń dom­­­byrasy. Ulttyq aspaptyń sha­­naǵy – buıra qaıyń, beti – eýro­palyq shyrsha, moıyny – qara­ǵaı, tıegi – býbınga, oıýy súıek untaǵymen kómkerilgen. Bul dombyrany sheber Qýanysh Tólebaev jasaǵan.

Ekinshi dombyra – kúıshi-dom­­byrashy, Qazaqstannyń eń­­bek sińirgen ártisi Aıgúl Úlkenbaevanyń kóp jyl us­­ta­ǵan aspaby. Dombyra ja­saý­­dyń sheberi Nurbek Ádil­bekov qos ishekti aspaptyń kúmbir qaqqan dybysyn as­qaqtatý úshin shanaǵyna, moıyny jáne ba­syna kanadalyq úıeń­kini, betine shyrshany paı­dalanǵan. 

Úshinshi aspap – kúıshi-dom­byrashy, Qazaqstannyń eńbek sińirgen qaıratkeri Asylbek Eńse­povtiń dombyrasy. Bul dom­byrany jasaǵan kezde sheber Jo­laýshy Turdyǵulov aspap­tyń shanaǵy men tıe­gine qara aǵashty, betine Tıan-Shan shyrshasyn, moı­nyna maı qaraǵaıdy qoldan­ǵan. Aspaptyń moıyn be­ti­ne qyzyl aǵashty, basy men qu­­laǵyna úıeńkini qııý­lastyrǵan.

Mýzeıde Qa­zaq­­­­stan­nyń eńbek sińirgen qaı­­­­­rat­­keri, pro­fes­sor Kárıma Sa­har-baevanyń tap­­syrǵan dombyrasy saq­taý­­ly tur. Eki ishekti, on segiz per­neli dom­­byranyń bet taq­taıyna órnek salynǵan. Dom­byra saz aspaptaryn ja­saý­shy sheber Bısenǵalı Myr­zaǵalıevtiń qo­lynan shyq­qan.

Taǵy bir aspap – «Asyl dom­byra – 2022» aqyndar aıty­sy­nyń aqtyq saıysynda óner kór­setken jergilikti aqyndar Shynarbek Qabıev, Syrymbek Sársembaev, Shalqarbaı Izba­sarov utyp alǵan dombyra. Al bıylǵy 17 mamyrda kóne­den jetken dombyranyń birin Q.Qaısenov atyndaǵy №33 or­ta mektep mýzeıiniń jetekshisi T.Jıenálıeva ákelipti. Domby­rany jergilikti turǵyn B.Dos­baı­uly urpaǵyna amanat­tap, birneshe býynǵa jetkizgen. Ke­ıin kóneniń kózindeı saq­talǵan ult­tyq aspapty ke­lini K.Nábıeva 2011 jyly mektep janyndaǵy mý­zeı­ge bergen. Bul dombyra bıyl oblystyq tarıhı-ól­ketaný mý­ze­ıinde ót­ki­zilgen «Qo­ǵamdyq mý­zeıler qazy­nasy» oblystyq kór­me-baı­qaýynda úz­dik týyndy retinde ta­nylǵan.

Atyraý oblysy