«Týǵan kúnińmen, Astana!
Elorda ákimdiginiń qoldaýymen, shyǵarmashylyq top, kásibı ushqyshtar jáne anımasııalyq sýretshilermen birge astana turǵyndary men qonaqtary úshin merekelik tosyn syı ázirledik.
Bul naǵyz áýedegi sıqyr bolmaq!
Dron-shoý – áserli qoıylym, zamanaýı óner men tehnologııalardyń birlesýi.
Barshańyzǵa mereke qutty bolsyn! Beıbitshilik pen jaqsylyq tileımiz!
Búgin keshke Táýelsizdik dańǵylyndaǵy «Qazaq eli» alańynda kútemiz», dep jazdy prodıýser.
Qala ákimdiginiń resmı saıty shoý saǵat 22:30-da bastalatynyn habarlady. 500 dron túngi aspanda elordanyń kórnekti nysandary men basqa da keskinderdi sýretteıdi. Baǵdarlama shamamen 12 mınýtqa sozylady. Aıta ketsek, shoý demeýshilik qarajat esebinen uıymdastyrylady.
