Jambyl oblysynyń ákimi Nurjan Nurjigitov elordanyń 25 jyldyǵymen quttyqtap, merekeniń mańyzdylyǵyna toqtaldy.
- Bıyl erke Esildiń jaǵasynan boı kóterip, qysqa ýaqyt aralyǵynda tynyshtyq pen tatýlyqtyń, órkendeý men ósýdiń úlgisin kórsetken eńseli elordamyzǵa 25 jyl tolyp otyr. Eki ǵasyrdyń toǵysqan tusynda býynyn bekitken, halyqtyń qýanyshy men maqtanyshyna aınalǵan Astana – mereıli merekesine orasan zor tabystarmen kelip otyr. Ol shırek ǵasyrda Eýrazııa júregine, táýelsizdigimizdiń tiregine, máńgilik memlekettigimizdiń, asqaq rýhymyzdyń boıtumaryna aınaldy. Qaryshtap damyǵan jańa Astananyń búgingi kelbetine súısinbeıtin jan joq. Astana – elimizdiń ǵana emes, álemdik kezdesýler alańyna, memleketimizdiń halyqaralyq arenadaǵy brendine, el aımaqtarynyń damýynyń baǵyt-baǵdaryna, qozǵaýshy kúshine aınaldy. Elimizdiń oblystary bas qalaǵa qarap boı túzedi. Sondyqtan da eńseli elordamyzdy «aımaqtar arqaýy» dep ataýǵa tolyq negiz bar. О́ıtkeni óńirlerdiń órkendeýi – Astananyń damýymen tamyrlas, - deı kele aımaq basshysy barsha jambyldyqtardy merekemen quttyqtady.
Sondaı-aq Nurjan Nurjigitov óz sózinde jýyrda ǵana ótken respýblıkalyq «Qazaqstan barysy» týrnırinde jeńimpaz atanyp, jerlesteriniń mereıin asyrǵan Ǵalymjan Qyryqbaıdyń jetistigin aıryqsha atap ótti. 41 balýannyń ishinen úzdik shyǵyp, elimizdiń bas balýany atanǵan sportshyǵa Taraz qalasynan 2 bólmeli páterdiń kiltin tabystap, marapattady. Al onyń jattyqtyrýshysy Bahtııar Aqbergenovke 2 mıllıon teńgeniń sertıfıkatyn tapsyrdy.
Budan soń merekelik shara konserttik baǵdarlamaǵa ulasyp, qala qonaqtary men turǵyndaryna joǵary kóńil-kúı syılady.
