О́zbekstannyń ortalyq saılaý komıssııasy habarlaǵandaı, saılaýda parlamenttik partııalar usynǵan tórt kandıdat memleket basshysy laýazymyna talasady. Al О́zbekstannyń lıberal-demokratııalyq partııasy bul joly da Shavkat Mırzıeıovtiń kandıdatýrasyn usyndy.
Halyqtyq-demokratııalyq partııanyń kandıdaty Ulyqbek Inoıatov boldy. Ol «Olıı» Májilisiniń zań shyǵarý palatasy spıkeriniń orynbasary qyzmetin atqarady. «Adolat» sosıal-demokratııalyq partııasy О́zbekstan Respýblıkasy Joǵarǵy soty tóraǵasynyń birinshi orynbasary Robah on Mahmýdovany usyndy. Sonymen qatar Ekologııalyq partııa О́zbekstan Respýblıkasynyń prezıdenti laýazymyna partııanyń Ortalyq keńesi atqarý komıtetiniń tóraǵasy Abdýshýkýr Hamzaevtyń kandıdatýrasyn qoldady.
Prezıdent saılaýynda barlyǵy 19,6 mıllıonǵa jýyq tirkelgen saılaýshylar daýys bere alady. OSK málimeti boıynsha, 28 maýsymnan 1 shildege deıin merziminen buryn daýys berý quqyǵyn respýblıkanyń 376 623 azamaty paıdalanyp úlgergen.
Saılaýdyń ótkizilýin qazirgi prezıdent Shavkat Mırzıeıov kúrdeli jahandyq jáne óńirlik syn-qaterler jaǵdaıynda shuǵyl saıası, áleýmettik jáne ekonomıkalyq reformalardyń qajettiligimen túsindirdi. Ol tıisti jarlyqqa eki aı buryn - 8 mamyrda qol qoıdy.
Aıta keteıik, 65 jastaǵy Mırzıeıov birinshi ret 2016 jylǵy kezekten tys saılaýda 88,6 paıyz daýyspen el prezıdenti bolyp saılandy. 2021 jyldyń qazan aıynda ekinshi bes jyldyq merzimge qaıta saılanyp, 80,1 paıyz daýys jınaǵan edi.
