QR eńbek sińirgen energetıgi, Sátbaev qalasynyń Qurmetti azamaty, «Qurmet» ordeniniń ıegeri Iаhııa Jaqypbekuly – seksenniń belortasyndaǵy kónekózderdiń biri. Kópti kórgen qartymyz kópti biledi. Tabıǵatynan aqyn bolyp jaratylǵan aǵamyz mamandyǵy energetıka salasy bolsa da, mádenıetke, ónerge óte jaqyn adam.
Kózimiz aǵanyń basyndaǵy taqııasyna tústi. «Ereksheleý eken» destik.
– Bul ataqty Halıfa Altaı aqsaqaldyń syılaǵan taqııasy ǵoı – degen kezde «oý, bul sizdiń qolǵa qalaı túsip júr?» dep, áńgimeni tereńdete túskimiz keldi.
– 1992 -niń kúzinde Dúnıejúzi qazaqtarynyń tuńǵysh Quryltaıy ótti emes pe? Sheteldegi qandastardyń úlken toby Jezqazǵan – Ulytaý óńirine keldi. Olardyń basshysy Halıfa Altaı aqsaqal boldy.
Qandastarymyz Ulytaýǵa baryp táý etip kelgen soń, Sátbaev qalasyna at basyn tiredi. Qaladaǵy «Dostyq» meıramhanasynda qonaqtardy kútip, dastarqan jaıyldy. Qalanyń basshysy Vladımır Nıkolaevıch Malyshevtiń sonda qazaqy shapan kıip alǵanyn, alǵash ret qazaqsha sóılegenin kórdim. Dastarqandy aqyn, jyrshy, termeshi Shynbolat Dildebaev basqardy. Onyń ónerine tánti bolyp ketken Halıfa Altaı aqsaqal: – Aınalaıyn, seni buryn vıdeodan kórip edim, endi, mine, kózimmen kórip turmyn. Mynaý menen saǵan syı-sııapat, estelik bolsyn dedi de, osy taqııany tartý etti – dep, áńgimesin bir shıyryp tastaǵan aǵamyzǵa «bul sonda áýelgide Shynbolat aǵamyzǵa syılanǵan taqııa boldy ǵoı» dep naqtylaı túsýdi jón kórdik.
– Solaı. Al Shynbolat – meniń kishkentaıymnan birge ósken jan dosym. Taqııa onyń basyna tarlyq etti. Sosyn ol maǵan syılady. Sodan beri úıde tur. Keıde osylaısha ara-tura kıip qoıamyn.О́tkendi eske salady, tarıhty oıatady, – degen Jaqańa muny úıde saqtaı bermeı, qala mýzeıine tabystaý týraly usynys aıttyq. Aǵamyz buǵan kelisti.
Ulytaý oblysy,
Sátbaev qalasy
