Bas qalada jalaýy jelbiregen Sary qurlyq dodasynda jerlesterimizden bólek, Azııanyń eń myqty quramalary sanalǵan Japonııa, Taıland, Iran, Irak, Ońtústik Koreıa, Mońǵolııa jáne Úndistan sekildi segiz eldiń paravoleıbolshylary Azııa chempıonatynyń bas júldesi men Paralımpıada joldamasyn sarapqa saldy. Otandastarymyz qurlyq birinshiliginiń jartylaı fınalynda Qytaı komandasyn 3:2 esebimen jeńip, chempıonattyń fınalyna shyǵyp qana qoımaı, 2024 jyly Parıjde ótetin Paralımpıada oıyndarynyń lısenzııasyna qol jetkizgen-di.
Alaıda fınaldyq básekede Azııanyń azýly quramasy, chempıonat barysynda birde-bir oıynda jeńilmegen Iran komandasymen sheberlik baıqasyp, asa tartysty ótken kezdesýde qonaqtardan 3:0 esebimen jeńilip qaldy. Osylaısha, Qazaqstannyń paravoleıbol komandasy Azııa chempıonatynyń kúmis júldegeri atandy.
